mchi

Прес центар

Велковски: Обезбедени се 270 милиони евра за изградба на 60 патни правци со должина од околу 800 километри

dbi

29.03.2018

Прес конференција,
Диме Велковски, пратеник од СДСМ во Собранието на Република Македонија
Скопје, 29.03.2018

 

Почитувани граѓани,


Започнува сериозен инвестициски циклус за подобрување на целокупната патна инфраструктура во Република Македонија.

Обезбедени се 270 милиони евра за изградба и реконструкција на 60 патни правци низ државата со вкупна должина од околу 800 километри.

Станува збор за долгорочни инфраструктурни проекти од значаен интерес како за економијата, така и за граѓаните и за идните генерации.

Според објавениот план од Владата, оваа година ќе биде завршена изградбата на автопатите Демир Капија - Смоквица и Миладиновци - Штип.

Со предвидената рехабилитација на автопатската делница Неготино – Демир Капија во двата правци, Македонија веќе годинава ќе добие комплетно реконструиран, брз и безбеден автопат на Коридорот 10.

Покрај тоа, започнува и изградба на три нови експресни патни правци: Штип - Радовиш, втората фаза од патниот правец Прилеп - Градско и патниот правец Ранковце - Крива Паланка, инвестиции во вредност од 100 милиони евра.

Ова се само дел од клучните предвидени проекти од овој инвестицискиот циклус за подобрување на патната инфраструктура во државата и поврзување на граѓаните.

Почитувани,

Инфраструктурното поврзување меѓу градовите, селата и населените места низ цела Македонија и инфраструктурното поврзување со земјите од регионот и Европа претставува стратешки приоритет на СДСМ и Владата што ја предводи.

СДСМ и преку централната и преку локалните власти што ги предводи, продолжува посветено да работи на обезбедување на услови за сигурен, безбеден и брз транспорт за сите граѓани.

 

 

 

 

Огласи/конкурси

Постојат многу варијации на пасуси од Lorem Ipsum, меѓутоа повеќето претрпеле одредени промени

меѓународни извештаи

Постојат многу варијации на пасуси од Lorem Ipsum, меѓутоа повеќето претрпеле одредени промени