mchi

Обраќања

Шекеринска на трибина со граѓаните на Бутел: Денес Македонија е држава на слободни граѓани, којашто се развива и се движи напред

dbi

15.05.2018

Соопштение за јавност


Главен фокус на нашето работење во последниве десет месеци, беше економската стабилизација и спроведувањето на клучните мерки од програмата за долгорочно да обезбедиме раст на платите, раст на економијата, добро платени работни места и подобар животен стандард на граѓаните, истакна заменик претседателкатаa на СДСМ Радмила Шекеринска на отворената граѓанска трибина на ОО СДСМ Бутел.

- Клучните ветувања за почеток на мандатот се релизирани, тоа може да го кажеме со чист образ. Само со укинувањето на радиодифузната такса и воведувањето на евтината тарифа на струјата, обезбедени се заштеди кај граѓаните во износ од околу 23 милиони евра. Растот на минималната плата на 12 илјади денари придонесе денес околу 90.000 семејства да добиваат повисоки приходи. Но не застануваме тука. Сакаме платите редовно да растат, затоа ќе продолжиме редовно да ја зголемуваме платата преку директна поддршка на компаниите.

Активираната спирала за раст на платите, дополнително ја стимулираме со мерките за финансиска помош на компаниите. Веќе од наредниот месец се отвора можност сите специјализанти во здравството да добиваат редовна плата, а преку заштедите што ги направивме, од оваа година, предвидено е да биде воведено и бесплатното болничко лекување за сите граѓани, посочи Шекеринска.

Во своето обраќање пред граѓаните, заменик претседателката Шекеринска истакна дека иако Македонија до неодамна била заробена, денес таа е држава на слобдни граѓани со променета политичка клима и тоа е признаено и на меѓународен план.

„Тоа што од целиот регион, нашата држава го доби најпозитивниот Извештај од Европската комисија како држава ни е влезница преку која можеме да се надеваме во јуни да ги почнеме преговорите за членство во ЕУ во јуни, а во јули да можеме да добиеме покана за полноправно членство во НАТО.“ истакна Шекеринска.

Свое обраќање пред присутните имаше и пратеничката во Собранието на Република Македонија, Тања Ковачев, која оцени дека СДСМ во изминатиот период преку централната власт и парламентарното мнозинство што ги предводи успеа да ги надмине штетите од 11 годишното владеење на ВМРО-ДПМНЕ и да ја врати државата на вистинскиот пат. Собранието повторно работи во интерес на граѓаните.

„Криминалното владеење на ВМРО-ДПМНЕ остави пустош. Презедовме одговорност и ги придвиживме работите, во интерес на граѓаните. Бројни економски параметри ја потврдуваат успешноста на политиките на Владата предводена од СДСМ, а граѓаните ги чувствуваат придобивските од одговорното работење.“ истакна Ковачев.

 

 

Огласи/конкурси

Постојат многу варијации на пасуси од Lorem Ipsum, меѓутоа повеќето претрпеле одредени промени

меѓународни извештаи

Постојат многу варијации на пасуси од Lorem Ipsum, меѓутоа повеќето претрпеле одредени промени