mchi

Обраќања

Спасовски: Една година промени преку кои Македонија ја вративме на патот на светлата иднина

dbi

02.06.2018

Обраќање,
Оливер Спасовски, потпретседател на СДСМ
Скопје, 02.06.2018


Драги граѓани,

Веќе цела година од изборот на новата власт, заедно правиме коренити промени во нашата држава. Тоа се промени со кои Македонија се опоравува од 11 години режим, промени со кои се ослободува заробената држава, промени со кои се враќа правдата и довербата кон институциите.

Промени со кои конечно, луѓето – граѓаните стануваат најважни во Македонија. Дојде крајот за криминалното богатење на поединци.
Денес, со овие промени, ја поправаме децениската штета и траума која се вршеше врз граѓаните, врз нацијата и врз нашата Република Македонија.

Денес работниците имаат повисока, загарантирана минимална плата. Покачена е и просечната плата.

За само три месеци во земјава, од јануари до март оваа година, влегоа 235 милиони евра странски директни инвестиции – тоа е рекордно најмногу споредено со првите тромесечја во последниве 12 години.


Денес посветено ги решаваме споровите, за Македонија да добие датум за почеток на преговори со Европската унија и покана за членство во НАТО.

Македонија е едно општество, едно семејство во кое секој е еднаков пред законот. И секој кој работел и работи противзаконски ќе мора да се помири, дека мора да се качи на вагата на правдата.

И конечно, заврши времето на поделби на ваши и наши. Нема место за омраза.

Македонија може да има само еден завет, а тоа е просперитетната иднина. Како демократска опција, поведовме и заедно со вас веќе ја поставуваме Република Македонија на патот на светлата иднината. Никој нема право, ниту е тоа веќе можно, да ја враќа Македонија во минатото.

Секој чекор го правиме и ќе го правиме заедно.

И повторно, драги граѓани,

Ви благодариме за одговорноста што ја покажувате додека испишуваме нови страници во Книгата на прогрес, развој и просперитет!

 

 

 

Огласи/конкурси

Постојат многу варијации на пасуси од Lorem Ipsum, меѓутоа повеќето претрпеле одредени промени

меѓународни извештаи

Постојат многу варијации на пасуси од Lorem Ipsum, меѓутоа повеќето претрпеле одредени промени