mchi

Соопштенија

Проблемот во Аеродром го создадоа ВМРО-ДПМНЕ и Ивица Коневски, СДСМ е на страната на граѓаните, локалната власт работи на решение

dbi

10.10.2018

Соопштение за јавност


Токму ВМРО-ДПМНЕ и Ивица Коневски го создадоа проблемот во општина Аеродром.

Советниците на ВМРО-ДПМНЕ, заедно со поранешниот градоначалник, Ивица Коневски, го изгласаа и усвоија спорниот Детален урбанистички план.

Спротивно на волјата и потребите на граѓаните со тој план се предвидува уништување на зеленило и никнување згради, карактеристично за криминалното владеење на ВМРО-ДПМНЕ.

Советничката група на СДСМ во Советот веднаш се спротивстави на оваа одлука.

Лицемерно е ВМРО-ДПМНЕ денес да повикува на запирање на спроведување на ДУП И 10, план што токму ВМРО-ДПМНЕ го донесе ненајавено и без никаква јавна дебата.

СДСМ и тогаш и денеска е на страната на граѓаните, во заштита на зеленилото, интересите на граѓаните и ред во урбаното планирање.

Ставот на СДСМ против изградба на зграда пред Мајчин Дом во Аеродром и заштита на зеленилото и тогаш и сега останува ист, како и со ставот на граѓаните.

Ги подржуваме граѓаните и ги повикуваме да бидат гласни, заедно да се најде решение на овој проблем што го создаде ВМРО-ДПМНЕ.

Факт е дека локалната самоуправа во Аеродром како и во многу други општини во Скопје и Македонија наследи огромни проблеми.

Но, со посветена работа се надминуваат напластените проблеми.

Поднесени се повеќе иницијативи до надлежните судски органи за спорниот ДУП и се работи на решение.

Како што веќе објави градоначалникот на општина Аеродром, денеска е издадено решение за стопирање на градбата пред Мајчин Дом.

Градбата е стопирана и започнува процес на барање решение низ дискусија, заедно со граѓаните, со инвеститорот и со Град Скопје.


Скопје, 10.10.2018
ЦЕНТАР ЗА КОМУНИКАЦИИ СО ЈАВНОСТА
СОЦИЈАЛДЕМОКРАТСКИ СОЈУЗ НА МАКЕДОНИЈА

Огласи/конкурси

Постојат многу варијации на пасуси од Lorem Ipsum, меѓутоа повеќето претрпеле одредени промени

меѓународни извештаи

Постојат многу варијации на пасуси од Lorem Ipsum, меѓутоа повеќето претрпеле одредени промени