mchi

Прес центар

Предлог Буџетот за 2019 обезбедува економски раст, социјална еднаквост и повеќе пари кај граѓаните

dbi

18.11.2018

Прес конференција,
Костадин Костадинов, пратеник и портпарол на СДСМ
Скопје, 18.11.2018

 

Почитувани граѓани, почитувани новинари,

Со предлог Буџетот за 2019 година, изготвен од Владата предводена од СДСМ, обезбедуваме повеќе пари за граѓаните, социјална праведност, поголеми плати, поголем раст на економијата и подобра живејачка за сите граѓани.

Со овие политики, од парите што секој граѓанин ги одвојува, преку низа на мерки, создаваме систем на поинакви вредности, парите да се вратат назад до граѓаните, а економијата да расте уште позасилено.

Трендот на раст на платите продолжува и во 2019 година. За 5 отсто повисоки плати ќе добиваат вработените во здравството, образованието, полицијата, војската, вработените во детските градинки и социјални центри, културните работници како и вработените во јавниот сектор.

Докторите специјалисти ќе добијат покачување од 10 отсто, да продолжат да работат во нашето јавно здравство, позадоволни и помотивирани.

Новото, праведно оданочување ќе обезбеди дополнителни средства за спроведување на мерките што извлекуваат од сиромаштија.

Се воведува и нов, реформиран систем на социјална заштита.
На примателите на социјална помош, помошта им се зголемува и до 300 отсто, а се олеснува и пристапот до надоместокот, на дополнителни 11.000 домаќинства, покрајпостојаните 24.000 домаќинства кои во моментот примаат социјална помош.

Се воведува и детски и образовен додаток, кој има за цел да извлекува од детска сиромаштија, а преку кој ќе бидат опфатени околу 60.000 деца.

Пресвртницата на економската политика ќе се потпира на забрзување на реалниот раст на економијата за 3.2% но и на креирање мерки и програми за вработувања кои ќе допринесат за отворање на нови работни места.

Предвидуваме раст на бројот на вработени во 2019 година за 2,1%, и намалување на просечната стапка на невработеност на историски најниско ниво досега.

Со предвидените мерки невработеноста ја смалуваме на ниски 20% со помош на мерки за вработување – вредни 1.1 милијарда денари, како историски највисок износ.

Почитувани,

Ова се само дел од низата мерки содржани во предлог Буџетот за 2019 година со кои обезбедуваме повеќе пари кај граѓаните, социјална еднаквост, забрзан економски раст и подобра живејачка за сите.

Очекуваме овие мерки да направат сериозно придвижување на економијата и стандардот на граѓаните, надополнети со интеграциските политики.

Буџетот наскоро ќе биде и пред пратениците. Повикуваме на конструктивна дебата и отворени можности за дополнителни подобрувања во интерес на граѓаните.

СДСМ, како државотворна и одгворна партија продолжува да работи во интерес на граѓаните.

Ви благодарам.

 

 

 

 

Огласи/конкурси

Постојат многу варијации на пасуси од Lorem Ipsum, меѓутоа повеќето претрпеле одредени промени

меѓународни извештаи

Постојат многу варијации на пасуси од Lorem Ipsum, меѓутоа повеќето претрпеле одредени промени