Северна Македонија доби највисока оценка од земјите на Западен Балкан во управувањето со јавните финаснии, покажа Националниот монитор за реформи во јавната администрација 2019/2020 објавен од Институтот за европска политика – ЕПИ.

Кон тоа придонесува креирањето на апликациите и веб страници за следење на јавните финансии. Достапни се годишниот буџет, извештаите за извршување на годишно ниво, како и полугодишните и кварталните извештаи.

Позитивно се оценети и веб страниците „Отворени финансии“, „јавен долг“ и „Финансиска транспарентност за КОВИД19“, а како како важен успех е нотирано и објавувањето на граѓанскиот буџет кој нуди преглед на буџетот преку интерактивен интерфејс за граѓаните.