Спасовски: На здравствено безбедни, фер и демократски избори, патот е сигурност

Share on facebook
Facebook
Share on twitter
Twitter
Share on linkedin
LinkedIn

Изјава по гласње на носителот на кандидатската листа на СДСМ и Коалицијата „Можеме“ во ИЕ 1, Оливер Спасовски

Почитувани граѓани, почитувани претставници на медиумите,

Денеска е исклучително важен ден за нашата земја. Како Влада покажавме дека навистина можеме и во вакви услови на пандемија, на сериозна здравствена криза, да се организираат фер, демократски, слободни избори и пред ‘се безбедни по здравјето и животот на граѓаните.

Навистина, треба да се оддаде признание и на Комисијата за заразни болести, на сите оние кои ги спроведуваат изборите, како Државната изборна комисија, за тоа што се воспоставени вистински протоколи коишто гарантираат безбедно гласање од аспект на здравјето на граѓаните. И во услови на оваа пандемија е многу денеска граѓаните да излезат масовно на избори и слободно да ја изразат својата волја – да видиме врз основа на одлуката каде ќе се движи државата во наредниот период.

Ова е сериозен предизвик, заради тоа што во вакви сериозни времиња и одговорноста на секој еден граѓанин на Република Северна Македонија е навистина голема, се со цел да воспоставиме институции коишто се ефикасни, институции коишто се со полн легитимитет и ќе можат да носат одлуки во наредниот период за зачувувањето на здравјето, да носат одлуки за подобрување на економската состојба во државата.

Јас очекувам граѓаните денеска да излезат масовно на изборите, да го потврдат патот по којшто сите ние се движевме, да избереме сигурност, јасна визија и перспектива, наспроти опасноста и враќањето назад.