Nënkryetarë

Mila Carovska

Mila Carovska është nënkryetare e Lidhjes Socialdemokrate të Maqedonisë.

Ajo është zgjedhur në funksionin nënkryetare e LSDM-së në Bordin qendror të LSDM-së në vitin 2019.

Carovska është zgjedhur ministre e punës dhe politikës sociale në Qeverinë e Republikës së Maqedonisë nga viti 2017.

Nga nëntori i vitit 2015 deri në maj të vitit 2016 ka qenë këshilltare speciale në kabinetin e ministres për punë dhe politikë sociale, Frosina Remenski.

Në vitin 2014 është zgjedhur kryetare e Komisionit për punë dhe politikë sociale në LSDM.

Në periudhën e viteve 2005-2015, Carovska ka qenë koordinatore e programit të Asociacionit për edukim dhe hulumtim shëndetësor (HERA).

Carovska pas diplomimit ka punuar në shumë shoqata qytetare dhe jo-qeveritare në sferën e punës dhe mbrojtjes sociale.

Në karrierën e saj profesionale ka përvojë shumëvjeçare në fushën e punës sociale, në mes të cilave edhe si koordinatore në punëtori dramash me fëmijë të vendosur në institucione, punëtori edukative, SOS operator dhe mbikëqyrëse për konsultime për përdoruesit e drogës dhe familjet e tyre, si dhe bashkëpunëtore në institucione për shërimin e përdoruesve të drogës, punëtore sociale në terren, këshilltare për test para/prapa HIV/SIDA dhe hulumtuese në terren.

Si profesioniste e dëshmuar në fushën e saj të veprimit, Carovska karrierën e saj profesionale e ka ndërtuar ndër vite në shumë pozicione të punës dhe përvoja që vendosin komunikim direkt me kategoritë e ndjeshme sociale të qytetarëve. Përvoja e saj menaxheriale në dhjetëra projekte nga sferat e politikës sociale, përfshijnë kategori të ndryshme të qytetarëve, si romë, të rinj, personat që kanë krijuar varshmëri dhe mbulon tema siç janë: dhuna në familje, të drejtat seksuale, arsimimi i kategorive të ndjeshme dhe shumë të tjera.

Shkaku i përvojës së saj të madhe, Carovska është angazhuar në dymbëdhjetë organizata vendore dhe ndërkombëtare si eksperte e sferës së saj.

Carovska, shkaku i përkushtimit të saj në punën sociale ka marrë 24 certifikata nga institucionet vendore dhe ndërkombëtare, si dëshmi për përkushtimin e saj në problematikat e sferës sociale.

Ka diplomuar në Fakultetin filozofik pranë Universitetit “Shën Kirili dhe Metodi”, në Shkup, në Institutin për punë dhe politikë sociale.

Është e lindur më 6 maj të vitit 1984 në Shkup. Është nënë e një fëmije.

Muhamed Zeqiri

Muhamed Zeqiri është deputet në Kuvendin e Republikës së Maqedonisë së Veriut dhe nënkryetar i Lidhjes Socialdemokrate të Maqedonisë, shqiptari i parë në histori të partisë që e merr këtë funksion.

Nga shtatori i vitit 2016, Zeqiri është anëtar i Bordit qendror dhe ekzekutiv të LSDM-së.

Në shtator të vitit 2016 Zeqiri, pas 18 vitesh, u largua nga gazetaria dhe u kyç në Lidhjen Socialdemokrate të Maqedonisë.

Vitin e fundit në profesion (nëntor 2015 – shtator 2016) e kaloi në TV Shenja si redaktor përgjegjës i lajmeve në gjuhën maqedonase dhe udhëheqës i emisionit debatues politik “Rruga e re”.

Më parë Zeqiri, gati një dekadë, nga themelimi i Alsat-M, ka qenë kryeredaktor dhe redaktor përgjegjës i programit informative në televizionin e parë dygjuhësor në Ballkan dhe sipas raporteve të organizatave ndërkombëtare relevante, një nga mediat e vetme objektive në vend. Në të gjithë periudhën, Zeqiri ka qenë udhëheqës i emisionit debatues politik “Rruga drejt”, i cili u shndërrua në brend të njohur të televizionit.

Pas konfliktit të vitit 2001, deri në vitin 2006, Zeqiri ka punuar si korrespodent nga Shkupi për servisin maqedonas të Radio Evropa e Lirë. Në kohën e qëndrimit të plotë njëvjeçar në selinë e REL në Pragë, Zeqiri ka punuar si redaktor dhe prezantues i lajmeve në gjuhën maqedonase.

Në të njëjtën periudhë, Zeqiri është angazhuar edhe në emisionin “Eurozum”, që në atë kohë emetoheshe në TV SItel.

Në kohën e konfliktit në vend, në periudhën 2000/2001, Zeqiri ka punuar si gazetar në televizionin Kanal 5, gjithashtu gazetari i vetëm shqiptar në mediumet maqedonase në atë kohë.

Nga viti 1997 deri në vitin 2000 Zeqiri, përvojat e para të gazetarisë i ka fituar si reporter dhe prezantues i lajmeve në gjuhën shqipe në televizionin e Shkupit – Era.

Përveç kësaj, në vitin 1999 ka punuar në reportazhe speciale për krizën e refugjatëve të emetuara në TV Era dhe në shumë televizione rajonale.

Zeqiri është gazetar i diplomuar. Studimet e gazetarisë dhe komunikimit i ka kryer në Universitetin e Evropës Juglindore në Tetovë.

Ka të kryer shkollën e mesme teologjike në medresenë “Isa Beu” në Kondovën e Shkupit, ku edhe merren titujt hatip, imam, vaiz dhe mualim.

Shkollën fillore “Liria” e ka kryer në Shkup (1986-1993).

Flet shqip, maqedonisht, anglisht, serbo/kroatisht.

Është i lindur në Shkup më 10.03.1979, i martuar dhe baba i dy vajzave. Jeton në qytetin e lindjes.

Kosta Petrov

Kosta Petrov është nënkryetar i Lidhjes Socialdemokrate të Maqedonisë.

Ai është zgjedhur për kryerjen e këtij funksioni në vitin 2019 në Bordin qendror të LSDM-së.

Në vitin 2017 ka qenë zëdhënës i ministrisë së shëndetësisë, së udhëhequr nga ministri i atëhershëm Arben Taravari.

Kosta Petrov është sipërmarrës i dëshmuar internacional, ekspert për marrëdhënie me publikun në tregjet me rritje të shpejtë, biznes-autor dhe folës më i shitur.

Në vitin 2010 në Maqedoni ka themeluar P World, agjenci udhëheqëse botërore për ngjarje, e cila punon në 35 vende në Evropë, Lindjen e afërt, Azinë qendrore, Afrikë dhe Amerikë të Veriut.

Gjithashtu, P World është agjencia e parë për ngjarje (organizime), e cila ka organizuar mbledhje-biznesi internacionale në Republikën Islamike të Iranit.

Dy vite me radhë, Kosta ka qenë prezent në listën e profesionistëve më me ndikim për organizmin e ngjarjeve të ndryshme në Evropën Juglindore të Kongres Magazine.

Ai është e korrespodent i revistës amerikane Huffington Post dhe folës i rregullt për marrëdhënie me publikun, lidershipin dhe sipërmarrësinë në ngjarje (organizime) të ndryshme në botë.

Kosta është autori më i shitur në Maqedoni dhe autor i bestseller-ëve “Frika”, “Shihemi në maje”, dhe librin “Kafeja jonë e fundit”. Ai është edhe redaktori dhe gjeniu kreativ pas “Fshehtësitë e PR ekspertëve botëror” – libri i parë për marrëdhënie me publikun, e shkruar nga praktikuesit për praktikuesit.

Gjatë shkollimit fillor ai bashkë me familjen shpërngulen në Shkup, ku dy vite të shkollës së mesme i ka bërë në Rade Jovaçevski Korçagin, dhe më pas ka vazhduar në SHBA.

Shkollimin e lartë e ka kryer në Kolegjin amerikan në Pragë në drejtimin e shkencave politike.

Është i lindur më 28.12.1984 në Gostivar. I martuar dhe baba i një fëmije.

Damjan Mançevski

Damjan Mançevski është nënkryetar i Lidhjes Socialdemokrate të Maqedonisë.

A është zgjedhur përsëri nënkryetar i partisë në vitin 2019, paraprakisht në Bordin qendror të LSDM-së ishte zgjedhur në vitin 2017 dhe vitin 2013.

Më 31 maj të vitit 2017 Damjan Mançevski është zgjedhur ministër i shoqërisë së informacionit dhe administratës në Qeverinë e Republikës së Maqedonisë së Veriut.

Është zgjedhur deputet në Kuvendin e Republikës së Maqedonisë së Veriut në zgjedhjet parlamentare në dhjetor të vitit 2016.

Në vitin 2015 është zgjedhur shef i shtabit zgjedhor të LSDM-së për zgjedhjet e vitit 2016.

Anëtar i Bordit të Qytetit të Shkupit është zgjedhur në zgjedhjet lokale të vitit 2013.

Mançevski ka qenë anëtar i Bordit qendror të LSDM-së në periudhën prej vitit 2009 deri në vitin 2013, anëtar i Bordit ekzekutiv të KQ të LSDM-së në periudhën prej vitit 2006 deri në vitin 2009 dhe shef i kabinetit të kryetarit të Lidhjes Socialdemokrate të Maqedonisë në periudhën prej vitit 2007 deri në vitin 2009.

Anëtar i Bordit ekzekutiv të organizatës komunale të LSDM-së Qendër në periudhën prej vitit 2005 deri në vitin 2006.

Ka qenë udhëheqës i Sektorit për rini në Agjencinë për rini dhe sport të Republikës së Maqedonisë së Veriut ne periudhën prej vitit 2002 deri në vitin 2003. Njëkohësisht ka qenë edhe përfaqësues në Qeverinë e Republikës së Maqedonisë së Veriut në Komitetin programor të Fondacionit evropian për rini në Bordin e Evropës në të njëjtën periudhë.

Nga viti 2000 deri në vitin 2002 ka qenë kryetar i Bordit për kontroll material dhe financiar të NP Drislla – Shkup, ndërsa nga viti 2002 deri në vitin 2004 ka qenë anëtar i Bordit për kontroll material dhe financiar të NP Ujësjellësi – Shkup.

Nënkryetar i Rinisë Socialdemokrate të Maqedonisë ka qenë në periudhën prej vitit 2001 deri në vitin 2003, ndërsa zëdhënës i RSDM-së ka qenë në periudhën prej vitit 1999 deri në vitin 2003. Anëtar i Bordit ekzekutiv të RSDM-së ka qenë në periudhën prej vitit 1999 deri në vitin 2001. Nga viti 1998 deri në vitin 1999 ka qenë anëtar i Bordit ekzekutiv të klubit lokal të RSDM-së – Qendër.

Nga viti 2001 deri në vitin 2003, Mançevski ka qenë koordinator ballkanik i Unionit internacional të rinisë socialiste dhe socialdemokrate.

Mançevski ka qenë anëtar i Komisionit partiak për bashkëpunim ndërkombëtar në periudhën prej vitit 2000 deri në vitin 2009.

Ka diplomuar në vitin 2005 në Fakultetin elektroteknik pranë Universitetit “Shën Kirili dhe Metodi” në Shkup, drejtimi Elektroteknikë dhe telekomunikacion. Në vitin 2009 pajiset me Certifikatë Chevening Felloowship në studimet post-diplomike në Universitetin e Birmingemit – Mbretëria e Bashkuar.

Në vitin 2003 ka qenë pjesëmarrës në programin US Department of State International Visitors Program “Liderët e rinj evropianë dhe politikat e SHBA-ve për çështjet aktuale politike, ekonomike dhe sociale”. Në periudhën prej vitit 2003 deri në vitin 2004 ka marrë pjesë në “Shkollën për politikanë të ardhshëm” nën organizimin e Fondacioneve Fridrih Ebert dhe Alfred Mozer.

Në vitin 2001 ka bërë trajnim për paraqitje mediale në organizimin e Institutit nacional demokratik. Në vitin 2002 Trajnim për kampanjë politike në organizim të Institutit nacional demokratik. Në vitin 2007 Trajnim për ndërtimin e PR ekipit të mirë-organizuar në Fondacionin Alfred Mozer. Në vitin 2001 Trajnim për paraqitje mediale në organizimin e Renner Institute Vienna. Në vitin 2006 Trajnim për PR dhe organizim efikas të infrastrukturës partiake në Institutin ndërkombëtar republikan.

Ka qenë drejtor ekzekutiv në EMMETRON DOOEL Shkup në periudhën prej vitit 2006 deri në vitin 2007 dhe prej vitit 2009 deri në vitin 2013.

Është i lindur në 27.01.1978 në Shkup. I martuar dhe baba i dy fëmijëve. Flet anglisht, serbo/kroatisht dhe rusisht.

Oliver Spasovski

Oliver Spasovski është nënkryetar i Lidhjes Socialdemokrate të Maqedonisë.

Spasovski për së dyti herë është zgjedhur nënkryetar i LSDM-së në vitin 2019, ndërsa më herët në këtë funksion ishte zgjedhur në vitin 2017.

Më 31 maj të vitit 2017, Oliver Spasovski për herë të tretë është zgjedhur Ministër i punëve të brendshme në Qeverinë e Republikës së Maqedonisë së Veriut. Në seancën e parë të Qeverisë, më 5 qershor të vitit 2017 është zgjedhur zëvendëskryetar i Qeverië së Republikës së Maqedonisë së Veriut.

Në vitin 2015 sipas marrëveshjes prej 2 qershor deri më 15 korrik është emëruar Ministër i punëve të brendshme në Qeverinë e cila do t’i organizonte zgjedhjet e parakohshme parlamentare në vitin 2016.

Ka qenë i zgjedhur deputet në Qeverinë e Republikës së Maqedonisë së Veriut nga viti 2006 deri në vitin 2008, 2011-2014 dhe nga 2016 deri në vitin 2017.

Nga viti 2013 deri në vitin 2017 e ka kryer funksionin e Sekretarit gjeneral të LSDM-së.

Nga viti 2005 deri në vitin 2006 ka qenë sekretar organizativ në LSDM. Në periudhën nga viti 2003 deri në vitin 2004 ka qenë anëtar i presidiumit të Bordit qendror të LSDM-së.

Sekretar i organizatës komunale të LSDM-së në Kumanovë ka qenë në periudhën nga viti 2000 deri në vitin 2003. Nga viti 1999 deri në vitin 2003 ka qenë anëtar i presidiumit të organizatës komunale të LSDM-së në Kumanovë.

Nga viti 2008 deri në vitin 2011 ka punuar si sekretar në komunën e Kumanovës. Këshilltar i kryetarit të Kumanovës ka qenë në periudhën nga viti 2001 deri në vitin 2005. Në vitin 2000 ka punuar si nënpunës ligjor.

Spasovski është magjistër i juridikut në Fakultetin “Justiniani i parë” pranë Universitetit “Shën Kirili dhe Metodi” në Shkup. Ka diplomuar në të njëjtin fakultet, ndërsa shkollën fillore dhe të mesme i ka kryer në Kumanovë.

Është i lindur në vitin 21.10.1976 në Kumanovë. I martuar dhe ka dy fëmijë. Flet gjuhën angleze dhe franceze.