Menu
Перо Костадинов е потпретседател на СДСМ.
Костадинов е роден 1987 година во Валандово.
Основно обрзование завршил во ООУ „Страшо Пинџур“ во Јосифово, средно образование во СОУ „Гоце Делчев“ во Валандово, а економски факултет завршил на Универзитетот „Кирил и Методиј“ во Скопје.
Од 2013-2017 година е секретар на ОО на СДСМ Валандово, а од 2021 е избран за претседавач на Централниот Одбор на СДСМ.
Во период од 2015 до 2017 е советник во Советот на Општина Валандово. Од 2017 година како кандидат на СДСМ е избран за Градоначалник на општина Валандово. На локалните избори 2021 година е реизбран за Градоначалник со нов мандат од четири години и избран е за потпретседател на ЗЕЛС.
Ги застапува и споделува социјалдемократските ставови и идеи, се залага за демократска, слободна и инклузивна заедница.
Бисера Костадиновска – Стојчевска е потпретседател на СДСМ.
Родена е на 20 февруари 1986 година во Битола.
Костадиновска – Стојчевска е доктор по наука за англиски јазик. Својата кариера почнува да ја гради како професор на Педагошкиот факултет при Универзитетот „Св. Кирил и Методиј“ од Битола.
Како докажан професионалец во својата област на делување, Костадиновска добила пофалба од студентите за вложениот труд во организирањето на онлајн-наставата.
Од 2020 година ја извршува функцијата пратеник на СДСМ и коалицијата „Можеме“ во петтата изборна единица.
Како пратеник во Собранието извршува повеќе активности и членува во повеќе комисии.
Фатмир Битиќи е роден на 26.10.1975 година. Дипломирал бизнис aдминистрација, насока бизнис менаџмент на Универзитетот во Тирана, Албанија (1994 – 1999г.).
Битиќи е интернационален експерт од областа на менаџирањето со економски процеси и реформи со преку 20 години работно искуство во над 100 различни програми и проекти со цел развој на сектори, државни институции, стопански комори и компании.
Има спроведено преку 500 обуки во земјите од Западен Балкан и досега бил професионално ангажиран како консултант и советник во повеќе влади, министерства и институции од регионот.
Од 2008 година активно е вклучен како експерт за пристап и раководење со ЕУ фондови и важи за еден од водечките професионалци за оваа област во регионот.
Негова тесна специјалност е стратешко планирање и менаџирање со развојни, економски и бизнис програми и важи за одличен познавач на бизнис приликите со долгогодишно искуство во реалниот сектор како претприемач, консултант и извршен менаџер.
Автор е на повеќе стратегии, предлог-закони, прирачници и упатства од областа на финансиите, економијата и развојот на бизнисот.
Во aприл 2018г. е ангажиран како посебен советник на Претседателот на Владата на Република Северна Македонија за спроведување на истражувања и анализи за политики, стратегии и теми поврзани со економијата како и подготовка на професионални мислења, коментари и препораки. Член е на Економскиот совет на Владата и дел од Советот за економски реформи и одржлив развој, одговорен за подобрување на политиките во деловното окружување.
Од август 2019 ја извршувал функцијата претседател на Комисијата за финансии во СДСМ.
Битиќи активно зборува пет јазици: македонски, албански, англиски, германски и српски/хрватски.
Стефан Богоев е потпретседател на Социјалдемократскиот Сојуз на Македонија.
Во 2019 година е избран за член на Извршниот одбор на СДСМ.
Од октомври 2017 до 2021 година ја извршува функцијата градоначалник на општина Карпош.
Реизбран е за пратеник во Собранието на РСМ во декември 2016 година. Во април 2014 година избран е за пратеник на Собранието на РСМ.
Oд октомври 2013 година до 2018 година ја извршува функцијата претседател на СДММ.
Член на Извршниот одбор на СДММ е од 2011 до 2013 година.
Избран е за секретар на ЛК СДММ Карпош во 2010 година.
Стефан Богоев дипломирал на Универзитетот „Американ Колеџ“ Скопје, бизнис администрација со фокус на финансии во јуни 2011 година.
Во моментот е магистрант на Универзитетот „Американ Колеџ“ Скопје, отсек применета економија на англиски јазик.
Во 2020 година номиниран е од СДСМ да учествува на Националниот молитвен појадок во САД (Вашингтон)
Поради својата посветеност на политичката работа во 2018 бил дел од делегацијата на American Council of Young political Leaders (ACYPL) – програма за млади лидери финансирана од Стејт Департмент.
Во 2016 година како дел од кампањата на Демократската партија (претседателските избори) остварил студиска посета на САД.
Својата кариера и образование, Богоев ги збогатува учествувајќи на повеќе работилници организирани од Fridrich Ebert Stiftung (FES), Konrad Adenauer Stiftung (KAS), „Прогрес“ институт, како и работни сесии на ИРИ и НДИ.
Зборува англиски јазик.
Роден е на 28 август 1989 година, во Скопје.
Социјалдемократски Сојуз на Македонија. Сите права се задржани