Menu
Кристина Костова е потпретседателка на Социјалдемократскиот Сојуз на Македонија. Активна членка во континуитет од 2004 година, Костова вршела бројни функции во ЛК СДММ Штип, а функцијата претседателка ја извршувала од 2011 до 2013 година. Паралелно со функциите при Локалниот Клуб, Костова била активна и како портпаролка на ОО СДСМ Штип во периодот од 2009 до 2011 година. Од 2012 до 2014 година, Костова волонтирала при ЦКЈ на СДСМ. Таа била активистка во сите значајни кампањи на партијата, но и во неколку општествени движења како „Ајде“, а подоцна и во Шарена Револуција. Костова е со години активна како членка или претседателка на Комисијата за информирање при матичната општинска организација, како и членка во секторските активности на секој Општински Изборен Штаб на СДСМ во Штип. Постојана соработка имала и со Регионалниот Изборен Штаб за ИЕ 3.
Костова е алумна на Втора Политичка Академија за Социјална Демократија, генерација 2009 г. организирана од „Прогрес“, како и на регионалната Школа за надежни политичари во 2012 г. организирана од FES.
Факултетска диплома стекнала на Филолошки факултет „Блаже Конески“ при Универзитет „Кирил и Методиј“, каде исто така и магистрирала. Во моментов, Костова е докторанд на Филолошки факултет при Универзитет „1 Декември 1918“ во Алба Јулија, Романија.
На професионален план, Костова има работно искуство како волонтерка во Радио Штип, во чиј етер ја водела емисијата на влашки јазик на нејзини 14 години. Со радиоводителство продолжила и во периодот од 2005 до 2013 година, кога била ангажирана во националното радио Канал 77. Костова работела како наставничка по англиски јазик во ООУ „Страшо Пинџур“ во Карбинци, а подоцна и во сопствено приватно училиште во Штип. Работела и како советничка за образование во Општина Штип, во периодот од 2017 до 2018 година. Во моментов, Костова работи како асистент на Катедрата за англиски јазик и книжевност на Филолошки факултет при Универзитет „Гоце Делчев“ во Штип. Има објавено десетици трудови во меѓународни научни списанија. Костова е овластен судски преведувач од македонски на англиски јазик и обратно.
Посветена феминистка и борка за социјална правда, за рамноправност за маргинализираните и за општество во кое сите ги уживаат основните човекови права, а во кое политиките се градат на основа на емпатија, човечност и меѓусебно разбирање.
Методија Илиевски е потпреседател на Социјалдемократскиот сојуз на Македонија. Член е на СДСМ од 2005 година и извршувал голем број на партиски и општествени функции. Од неговите осумнаесет години како поборник за социјалдемократијата учествувал во повеќе кампањи кој со својата лојалност и работа до денес не отстапил од патот по кој започнал да се движи. Со својот критички став без разлика дали кон својата партија или кон останатите партии, секогаш е на страната на граѓаните. Од 2009 до 2013 год. Ја изврсува функцијата претседател на ЛК СДММ Битола во 2013 година до 2017 год. станува потпретседател на СДММ. Од 2013 година до денес е член на Советот во Општина Битола, а во последните два мандати ја носи улогата на координатор на советничката група на СДСМ. На последните претседателски избори беше кандидат за пратеник во ИЕ 5.
Роден е на 10.02.1987 година во Битола. Основно образование завршува во Битола. Средно и високо образование исто така ги завршува во родното место. Дипломира и магистрира на Факултетот за Биотехнички науки во Битола, а тука е запишан и на неговите докторски студии. Своето работно искуство започнува да го темели во приватниот сектор, а од 2018 год. Е вработен во Министерство за земјоделство, шумарство и водостопанство. Во периодот како Раководител беше член и во Комисијата за земјоделие каде учествуваше во донесувањето на стратешките планови во земјоделието.
Ракометот е исто толку важен во неговиот живот колку и политиката. Спој на две различни области кои прават одличен баланс за да е успешен и професионален и на овие две полиња. Со ракомет започнал да се занимава од најрана возраст, каде што сега е меѓународен ракомет судија.
Каја Шукова е потпретседателка на Социјалдемократскиот Сојуз на Македонија (СДСМ). Како долгогодишен и истакнат член на СДСМ, Шукова во периодот од 2020-2023 година е претседател на партиската комисија за животна средина. Во истиот период е задолжен функционер за областа на Богданци и Дојран, како и Неготино.
Шукова е дипломиран инженер технолог (прехранбена биотехнологија) VII/1. Факултетската диплома ја стекнала во 1995 година на технолошко-металуршкиот факултет во Скопје.
На професионален план Шукова беше министерка за животна средина и просторно планирање од февруари 2023 до мај 2024 година. Најголем дел од својата кариера ја гради токму во министерството за животна средина, каде во 1999 година започнала како соработник во одделението за еко-менаџмент, продолжила во секторот за меѓународна соработка, секторот за одржлив развој, а од 2022 година била именувана на функцијата државен секретар на министерството за животна средина и просторно планирање. Шукова има работно исуство и во стопанството, каде во периодот од 1993 до 1998 година работела како инженер во повеќе компании.
Шукова е посветена на заштита на животната средина. Била Претседател на Управниот комитет на Програмата за заштита на природата, SECO, Swiss, 2021-2023, член на Координативно тело при Влада на РСМ за Преспа, 2020- 2023, работела на координирање на проект за воспоставување на регионално управување со отпад во пет региони во Југоисточен, Вардарски, Пелагониски, Југозападен и Полошки регион, на координирање на проект за системи за водоснабдување и канализации.
Учествувала во иницијативата за прогласување на заштитено подрачје Малешево, иницијативата за прогласува на Водно за заштитено подрачје, во постапката за прогласување на Осогово за заштитено подрачје, во проектите за изградба на пречистителна станица во Кочани и систем за водоснабдување во Делчево, за изградба на пречистителна станица во Гевгелија, пречистителна станица во Волково и Сарај, континуирано учествува во подготовка на проектни низи за инфраструктурни проекти во областа води и отпад, како и управување со проекти кои се однесуваат на заштеда на енергијата и климатските промени, управување со хемикали и изготвување на стратегии, студии, анализи и монитирање во областите на водоснабдувањето, прочистување на отпадните води, депонирање и рециклирање на цврстиот и течен отпад.
Во рамките на ангажманот во Владата, Шукова активно работи европската интеграција на државата, како член на Комитетот за европски интеграции 2022-2024, член на телото за подготовка на ЕУ прашалник за Македонија во 2004 година, но и на имплементација на претпристапната помош на ЕУ – ИПА – процес на програмирање и импелемтнација на ИПА 2 и ИПА 3.
Активен поборник на социјалдемократските вредности, Каја Шукова е особено посветена кон заштитна на животната средина, одржлив развој, заштита на воздухот, водите, почвата и природните ресурси од загадување, како влог за подобар, поздрав, поквалитетен живот за сегашните и идните генерации.
АНА ЧУПЕСКА (родена 1981год. во Скопје) е редовна професорка на факултуетот за политички науки при Правниот Факултет “Јустинијан Први” на УКИМ во Скопје.
Таа е доктор по политички науки и магистер на науки по меѓународна политика, а нејзиниот научен интерес ротира околу прашањата за мултикултурализмот, групноспецифичните права и конфликтите на идентитети, демократијата, популизмот, авторитаризмот, меѓународните политички односи.
Таа е член на научниот совет во Европската Фондација за Прогресивни Политики (FEPS) со седиште во Брисел ; организација која креира политики за левото семејство на политички партии во рамките на Европскиот Парламент.
Уредник е во неколку меѓународни академски журнали. Автор е на неколку книги и на други публикации од релевантните научни и стручни области. Редовна колумнистка за Либертас.мк и посветена социјал-демократка и прогресивка.
Социјалдемократски Сојуз на Македонија. Сите права се задржани