Bartësi i NjZ 3 dhe sekretari i përgjithshëm i LSDM-së, Ljupço Nikollovski, këtë pasdite u takua me përfaqësuesit e disa kompanive të tekstilit në Makedonska Kamenica.

Në takim, Nikollovski theksoi se shëndeti, dinjiteti i punonjësve dhe të drejtat e punëtorëve janë baza për një sistem të mirë. Nikollovski gjithashtu iu referua situatës me KOVID-19 dhe sfidat e kompanive të tekstilit me këtë virus. “Nga shembulli i kapaciteteve të konfeksionit në Shtip u tregua se duhet pasur shumë kujdes, duhet respektuar masat mbrojtëse, në mënyrë që të parandalohet përhapja e koronavirusit. Shëndeti juaj dhe shëndeti i të gjithë qytetarëve është gjëja më e rëndësishme,” tha Nikollovski. Ai njoftoi se LSDM do të vazhdojë të punojë për ngritjen e standardit të jetesës për të gjithë në periudhën e ardhshme. “Unë jam këtu sot për t’ju siguruar personalisht që, megjithëse kemi bërë përparim domethënës në dy vjet e gjysmë të fundit, ne nuk po ndalemi këtu në promovimin e të drejtave tuaja dhe sigurimin e një standardi më të mirë për të gjithë. Dy vjet e gjysmë më parë, shumë prej jush morën nga 9.000 denarë një shumë e turpshme. Arritëm të rrisim pagën minimale në 14.500 denarë për vetëm dy vjet e gjysmë dhe deri në fund të mandatit tjetër parashikojmë rritje deri në 20,000 denarë”, tha Nikollovski. Nikollovski theksoi se LSDM ka një plan që trendi i rritjes së pagave të vazhdojë.

“Paralelisht, paga mesatare do të rritet në të gjitha veprimtaritë, madje edhe në industrinë e tekstilit. “Punëtorët janë kapitali i kësaj shoqërie, punëtorët janë kapitali i ekonomisë dhe për këtë arsye duhet të vlerësohen dhe paguhen,” shtoi Nikollovski. Prandaj, theksoi ai edhe në kushte kur ne u përballëm me pasoja të rënda ekonomike të shkaktuara nga kriza shëndetësore, Qeveria e udhëhequr nga LSDM-ja së pari solli masa për të mbrojtur vendet e punës.

“Ne kemi një plan, kemi një program, kemi një dëshirë për të punuar. Kjo është rruga e vërtetë.

Ne po ecim përpara, drejt një jete më të mirë, “përfundoi Nikollovski.