Прес-конференција, Снежана Калевска-Ванчева, пратеничка на СДСМ

Почитувани граѓани, почитувани новинари,

Јавната расправа за Законот за јавно обвинителство во Собранието продолжува и денеска.

Од вчерашната дебата јасно се истакна потребата од носење на квалитетно законско решение кое ги зајакнува капацитетите на правната држава.

Како и досега, ВМРО-ДПМНЕ остана доследен противник на Законот. Наместо на страната на правдата, пратениците на ВМРО-ДПМНЕ со своето однесување останаа на страната на криминалот.

Законот за јавно обвинителство овозможува сите предмети на СЈО, но и сите останати случаи, да имаат професионална и објективна завршница, затоа што то е начин да се врати довербата на граѓаните во правосудниот систем.

Она што е битни и она што ова законско решение го обезбедува е тоа политика да остане надвор од изборот на обвинителите. На тој начин им се остава простор за независно, стручно и објективно постапување.

Сите демократски капацитети во државата и нашите стратешки меѓународни сојузници го поддржуваат законското решение кое обезбедува независност и професионалност на јавните обвинителства.

Законот за јавно обвинителство не е никаков услов пред ЕУ но со неговото донесување создаваме дополнителен аргумент, покажуваме демократски капацитет за градење на силни, независни институции кои ќе се борат против криминалот и корупцијата.

Тоа е важно за државата, за правдата и за сите граѓани. 

Убедени сме дека свесноста кај пратениците од важноста за овој Закон е голема и дека по влегувањето во собраниска процедура ќе биде обезбедено потребното мнозинство за негово донесување.