Изјава за медиуми на СДСМ, Костадин Костадинов, портпарол и пратеник на СДСМ

 

Почитувани граѓани, почитувани новинари,

Додека целата држава беше вознемирена од нападот на Собранието на 27 април, советникот на Мицкоски и син на Саво Климовски, Александар Климовски, јавно ги бранеше насилниците кои упаднаа во Собранието.

Во директен пренос, додека насилството се уште траеше, Климовски во телевизиско гостување поттикнуваше насилство и ги навредуваше пратениците на СДСМ и коалицијата.

Додека имаше обид за терористичко загрозување на уставниот поредок, Климовски ги нарече пратениците на СДСМ „малоумни“ со „малоумна реакција“.

Додека физички беа напаѓани пратеници, новинари и вработени во Собранието, Климовски го нарече претседателот Заев, „политички аматер“ за кого треба цитирам: „одредена терапија и соодветна дијагноза за тој човек“.

Почитувани,

Ништо не се менува во ВМРО-ДПМНЕ. Христијан Мицкоски цврсто гази по стапките на неговиот ментор Никола Груевски.

Со вакви соработници, Мицкоски не може да понуди ништо освен обнова на режимот, обнова на криминалот, насилството и поделбите.

Луѓето околу Мицкоски не се ниту нови, ниту професионални. Тоа се луѓе кои во минатото многупати промовирале насилство, поделби и деструкции.

Додека граѓаните, државата се движат на прав пат, Мицкоски и ВМРО-ДПМНЕ остануваат на кривиот пат на Груевски полн со насилство, омраза, поделби и нејазнивост.