Соопштение за јавност
Младите се за вакцинација, вакцинацијата е наша одговорност, младите треба да бидат пример за другите, само така можеме да се спасиме сите, се пораките од вечерашната јавна трибина на тема „Млади ЗА вакцинација”, во организација на СДММ, која останува да биде двигател на промените за младите.
Советникот за млади и младински политики во канцеларијата на Претседателот на Владата, Ѓорги Тасев се осврна на политиките и мерките што СДСМ ги креира и реализира за младите.
Ние имплементираме корпус на мерки, кои добро ја детерминираат положбата на младите во општеството, не носиме закони на хартија, туку да го подобриме статусот и да ги поттикнеме младите да бидат гласни, истакна Тасев.
Специјализантката на анестезија и интензивно лекување др. Марија Весова се осврна на политиките на Владата предводена од СДСМ за младите лекари, издвојувајќи ги платените дежурства за сите млади лекари специјализанти, платеното здравствено осигурување за млади лекари.
Верувам дека ваквите мерки ќе ги стимулираат младите лекари да останат во државата, да станат врвни во својата гранка и иднината ја гледаат во државата, ги повика младите да се вакцинираат за да може да излегуваат и да се дружат, порача Весова.
Денис Јанкуловски, медицински техничар, кој стана популарен за време на пандемијата, со своите позитивни пораки ги повика младите да ги слушаат стручните лица, а не интернет мешавината од спротивни информации и дезинформации и да и веруваат на науката, која со вакцини искоренила многу заразни болести.
Во екот на пандемијата ни се чинеше дека сме во безизлезен лавиринт, кој трае и трае и дека нема прекине никогаш, но сега со вакцинацијата веруваме дека набрзо ќе прекине, рече Јанкуловски, потсетувајќи дека индивидуалното здравје е колективно.
Во своето обраќање потпретседателката на СДММ, Марија Иванова ги повика младите да дадат свој пример, да се вакцинираат и да ги повикаат своите пријатели и познаници да го сторат истото.
Упатувам апел до младите најмногу, пријавете се најпрво вие, бидете пример за општеството, потоа помогнете им на другите да го најдат најлесниот пристап до вакцината. Само со вакви чекори можеме да се спасиме сите. Затоа што, никој не е безбеден, додека не сме сите безбедно, повика Иванова.
