Соопштение за јавност

Кандидатот за градоначалник на општина Кавадарци на СДСМ и на Коалицијата Горан Тодоров истакна дека со кандидатурата за градоначалник 100% се насочува кон својот роден град.

Во изминативе четири години, како претседател на О.О СДСМ Кавадарци, и сите останати партиски и јавни функционери заедно со премиерот Заев, Владата на СДСМ, успеавме да реализираме голем број на проекти. 11 милиони евра инвестиравме овде во Кавадарци. Сите клучни и витални проекти кои му недстигаа на градот, од патишта, водовод , канализација, нова детска градинка, спортска сала, се проекти за вас граѓаните, рече Тодоров.

Тој најави дека следните 4 години, како градоначалник, заедно со советниците од СДСМ и коалицијата ќе реализира уште многу проекти за Кавадарци, од кои ги издвои изградба на регионален откупен центар за грозје, изградба на пречистителна станица во Кавадарци, гасификација на Општина Кавадарци, проект “Зелено Кавадарци”, во кој предвидуваме низа мерки за намалување на загадувањето;

Идниот градоначалник на Кавадарци Горан Тодоров, најави решавање на бројни инфраструктурни проблеми во градот и општината, како и намалување на комуналните издатоци за 50 отсто.

Тој истакна дека Кавадарци почнува да се движи во една непосакувана насока, станува економски, финансиски, политички окупирана општина на една мала група на луѓе, на чело со градоначалникот во заминување, Митко Јанчев.

Кавадарци на чело со Митко Јанчев почнува да го губи својот сјај, од слободен град, станува град во приватна сопственост на Митко Јанчев, а ние негови кираџии, порача Тодоров.

Тој нагласи дека 17- ти октомври е референдум за Кавадарци.

На 17 ти Октомври избираме дали сакаме Кавадарци да стане ново Кратово од 90-тите години или со заеднички сили да го спречиме ова самоволие, со глас за бројот 12, порача кандидатот за градоначалник на општина Кавадарди на СДСМ и на Коалицијата Горан Тодоров.