Соопштение за јавност

Сите се стремиме кон модерно здравство – здравство фокусирано на пациентите. Но, исто така и здравство фокусирано кон мотивирање на медицинскиот персонал. Да бидеме мотивирани и успешни во својата работа – истакна Сашко Николов – млад интервентен кардиолог на трибината на тема „Агенда – Здравство 20 – 24“  во Куманово.

Токму инвестициите во инфраструктурата, во материјали, лекови, растот на платите на вработените во здравството се ветер во грб на сите нас лекарите и медицинскиот персонал – посочи Николов.

Тој додаде дека за разлика од порано денес условите во кои работат вработените во здравството се на доста повисоко ниво и во текот на овие две и пол години преку бројните трибини и комуникација со граѓаните, пациентите,  се враќа довербата кон докторите која беше разнишана токму поради негативната кампања на ВМРО-ДПМНЕ која траеше 11 години наназад.

Тој посочи дека искуството и вештините стекнати во претходното негово работно место во приватното здравство, порано неможел да ги примени во јавното здравство поради немањето услови за тоа ,но денес со сите вложувања од страна на Владата предводена од СДСМ, во текот на изминатите 2.5 години, тоа е возможно.

Благодарение на тоа, денес 300 илјади луѓе во источниот дел од нашата држава можат да ги користат здравствените услуги на Штипската болница – истакна Николов.