Соопштение за јавност

Христијан Мицкоски не смогна храброст да честита за најпозитивниот Извештај од Европската Комисија и безулсовната препорака за почеток на преговорите со ЕУ.

Наместо идеи, проекти, програма, предлози во интерес на граѓаните, Мицкоски игра по нотите на Груевски од Будимпешта, се фатил за деструкцијата и лажните вести како негова единствена основа за делување.

Преку Мицкоски зборува Никола Груевски, исти фрази, иста глума, лажна загриженост, измислени апокалиптични сценарија за наводно редефинирање на државата, нови граници и слични кои немаат врска со реалноста.

11 години овие филмови на Никола Груевски и ВМРО-ДПМНЕ ги изнаслушавме сите, само за да може фамилјата да се богати додека граѓаните страдаа.

Така режимот не заглави во изолација и станавме заробена држава.

Тоа време заврши, граѓаните ја поразија таа деструктивност, сега одиме напред кон ЕУ и НАТО.

По 11 години заробена држава Северна Македонија е светол пример.

Граѓаните знаат дека на Мицкоски не му се допаѓа напредокот, тој е на различна страна од интересот на граѓаните и државата.

Нашата татковина граби кон интеграција во ЕУ и НАТО, ВМРО-ДПМНЕ и Мицкоски остануваат заглавени во матрицата на деструкција, криминал и антидржавно однесување.

Но нема да успеат да ја вратат државата назад во темното минато на изолација. Деструкцијата на Мицкоски, Груевски и ВМРО-ДПМНЕ повторно ќе биде поразена.

Скопје, 10.06.2019
ЦЕНТАР ЗА КОМУНИКАЦИИ СО ЈАВНОСТА
СОЦИЈАЛДЕМОКРАТСКИ СОЈУЗ НА МАКЕДОНИЈА