Соопштение за јавност

Раководството на ВМРО-ДПМНЕ и Христијан Мицкоски треба да се помират со тоа дека нивната идеја за изолација, уназадување и одбрана на криминал е поразена од граѓаните.

Над 600 илијади граѓани јасно и недвосмислено се изјаснија дека се за членство во ЕУ и НАТО, за напредок и светла иднина.
Владата предводена од СДСМ и Министерството за здравство спроведуваат реформи што го унапредуваат здравствениот систем, што ВМРО-ДПМНЕ со години го уништуваше.

Како еден од првите чекори во обезбедувањето на квалитетни и достојни услови за работа на лекарите е зголемувањето од 5 отсто на платите на здравствените работници. Над 19.000 здравствени работници земаат повисока плата, а се воведе и зголемување на надоместокот за прекувремена работа, дежурства и ноќен труд.
Истовремено, се инвестира во осовременување на медицинската опрема, а донесен е и реален и одржлив план за изградба на нов Клинички центар.

Христијан Мицкоски и раководството на ВМРО-ДПМНЕ треба да излезат од поразената матрица на лажни вести и измислици и јасно пред граѓаните да покажат дека се за влез во ЕУ и НАТО со тоа што ќе ги повикаат пратениците да го направат последниот чекор во Собранието за европската иднина.

Скопје, 06.10.2018

ЦЕНТАР ЗА КОМУНИКАЦИИ СО ЈАВНОСТА
СОЦИЈАЛДЕМОКРАТСКИ СОЈУЗ НА МАКЕДОНИЈА