Соопштение за јавност

Талески: Морален пораз за Тошковски е тоа што советничка поднесе оставка за трагедијата во Кочани, а тој не

Да ја почекаме истрагата и да видиме кој се ќе понесе одговорност за трагедијата во Кочани, дали командири, началници и заменик-командири на полицијата ќе бидат опфатени. Но, непобитен е фактот дека МВР потфрли на повеќе основи дента кога се случи пожарот во дискотеката во Кочани, како институција со клучна улога во обезбедувањето и мораше да има морална одговорност, рече пратеникот на СДСМ, Миле Талески.

– Не бил направен оперативен план, не бил обезбеден просторот, не бил затворен објектот иако во него било регистрирано присуство на малолетници, не се реагирало за пиротехнички средства и многу други пропусти. Голем број осомничени, приведени и притворени лица од трагедијата во Кочани до денес е со цел да се разводнат сите случаи и да се одолговлекуваат до бескрај, да се создаде привид дека МВР и Владата се борат против криминалот и корупцијата. Но не е така. Ова е тежок популизам, препознатлив за ВМРО-ДПМНЕ. Но, ајде да ја почекаме истрагата за да видиме дали и кој од надлежните командири, началници и заменик-командири на полицијата ќе бидат опфатени и кој ќе понесе одговорност. Дали началничката на ОВР Кочани, Марија Цветковска-Маневска, дали началникот на криминалистичката полиција во Кочани, Томо Донев, дали началникот на СВР Штип, како и раководителите на крими-полицијата?, рече Талевски.

Тој посочи дека за трагедијата во Кочани морална одговорност мораше да има после толку пропусти — од човекот којшто е прв и најповикан во таа институција, а тоа е министерот Панче Тошковски.

– Морален пораз за Тошковски е тоа што советничка во Советот на Општина Кочани, сопартијка на министерот, ќе поднесе оставка од морални причини, а тој не, рече Талевски.

Глас ЗА интерпелација на министерот Панче Тошковски не е прашање на политика, туку прашање дали ќе опстои државата, дали ќе има правда, безбедност и сигурност. Безброј аргументи и факти го потврдуваат тоа, рече пратеникот на СДСМ, Миле Талески на денешното обраќање во собранието.

Линк до видео: https://youtu.be/wbdg_eDE8LM?feature=shared