Соопштение за јавност
Преземаме обврска преку шансите за вработување и образување да ги мотивираме младите луѓе да живеат во Македонија.
Ќе овозможиме секој млад човек да добие понуда за вработување, можност да го продолжи образованието, пракса или тренинг за подготовка за вработување, во првите четири месеци по завршување на школувањето!
Со тоа ќе овозможиме активност на секој млад човек веднаш по завршувањето на високото образование и ќе отвориме пат за негов професионален развој.
Во Планот за живот во Македонија, исто така, се обврзавме дека на факултетите ќе ги приспособиме образовните програми кон пазарот на трудот, со можност за пократки студиски програми, што овозможуваат практични знаења на дипломираните студенти.
Што се однесува до шансите за млади претприемачи, преку реални мерки ќе ги олесниме на младите во одлуката да отворат сопствен бизнис.
Предвидуваме по 10.000 евра неповратни пари за млади луѓе со добра бизнис идеја. Младите луѓе ќе добијат шанса во старт ап центрите каде новоотворени компании ќе добијат бесплатен деловен простор. Ќе овозможиме отворање фирма со само едно евро влог. Ќе обезбедиме поволни кредити до 15.000 евра со само 1 процент камата за отворање микро бизнис.
Најмалку 626.312 луѓе, меѓу нив најголем број млади, се иселија од Македонија поради тоа што не ја гледаа својата иднина во Македонија. Младите беа првите кои го јасно го кренаа својот глас против уништувачките политики на досегашната власт. Тие си ја бараат својата шанса за живот во родната земја. На изборите, над 612.000 граѓани во Македонија се изјаснија за промени и живот.
Затоа итно е потребна нова Влада којашто ќе обезбеди живот за младите и за сите граѓани во Македонија.
Од оваа 2017 година почнуваме да го создаваме животот кој го избравме.
Скопје 24.01.2017
ЦЕНТАР ЗА КОМУНИКАЦИИ СО ЈАВНОСТА
СОЦИЈАЛДЕМОКРАТСКИ СОЈУЗ НА МАКЕДОНИЈА
