Инвестираме во подобро поврзување на општините Аеродром и Кисела Вода, градиме по план

Share on facebook
Facebook
Share on twitter
Twitter
Share on linkedin
LinkedIn

Изјава за медиуми, Дарио Шимиќ, советник во Советот на општина Кисела Вода

Почитувани граѓани,

Општина Кисела Вода заедно со градот Скопје, предводени од СДСМ и коалицијата во континуитет инвестираат во унапредување на патната инфраструктура во нашата општина.

Во насока на тоа е започнатата изградба за продолжување на улицата „Есенинова“, која е од голема важност за граѓаните од општина Кисела Вода, затоа што претставува трето поврзување на урбаните делови на Аеродром и Кисела Вода.

Улицата „Есенинова“ ќе биде долга 730 метри, со две коловозни ленти и тротоари од двете страни низ Кисела Вода, а потоа четири коловозни ленти пред влезот во „Трета македонска бригада“.

На истата предвидено е да се постави улично осветлување со 20 столбови, нова водоводна и канализациска мрежа и притоа ќе се дислоцираат постојните резервоари и бунари кои се наоѓаат на таа локација.

Со изградбата на улицата „Есенинова“, значително ќе се подобри сообраќајот во овој дел од градот и ќе помогне кон подобро функционирање на граѓаните низ овие општини, а рокот за изградба на оваа улица е 22 месеци.

Во периодот што следува во насока на отстранување на постоечките проблеми на граѓаните од општина Кисела Вода интензивно ќе продолжи соработката со централната власт и со Градот Скопје.

Градиме по план и инвестираме во иднината на граѓаните.