fbpx

Политиките на СДСМ спасија работни места и компании, следува четврт пакет антикризни мерки

Facebook
Twitter
LinkedIn

Прес-конференција, Богданка Кузеска, портпаролка на СДСМ

 

Почитувани,

Глобалната економско здравствена криза предизвикана од Ковид 19, налага брзи, ефикасни мерки за поддршка на граѓаните, компаниите и спас на работните места.

Владата предводена од СДСМ, уште во првите недели од прогласувањето на светската пандемијата, реагираше со суштински мерки за ублажување на негативните последици врз економијата.

Стотици илјади работни места се спасени и обезбедена е помош за десетици илјади компании.

Само преку мерката финансиска поддршка од 14.500 денари по вработен, во месеците април, мај и јуни со 79,5 милиони евра поддржани се околу 120.000 вработени граѓани и околу 20.000 компании.

Финансиска поддршка добија и близу 6.000 самостојни вршители на дејности, кои се поддржани со над четири милиони евра во месеците април, мај и јуни годинава.

Во рамките на мерките за помош за стопанството, со бескаматната кредитна линија КОВИД-1, преку Развојната банка, во стопанството се вбризгани финансиски средства од 5 милиони евра кои се доделени на 737 компании, со над 6.509 лица и тоа од најпогодените сектори: туризмот, угостителството и транспортот на патници, кои беа први на ударот на кризата.

Развојната банка пласираше и кредитна линија КОВИД-2 во износ од 8 милиони евра, одобрени за 639 домашни компании во кои работат 11.325 лица.

Со двете кредитни линии поддржани се над 1.300 домашни компании. Најголем дел од нив се микро претпријатија, кои вработуваат до 10 лица, што значи дека државата во најголем дел застана зад семејните, мали бизниси кои се суштината на економијата.

Почитувани,
26.8 милиони евра завршија кај 309.000 граѓани кои добија платежни картички преку мерката “купувам домашно” чија цел е истовремено да го поддржи домашното производство и да ја зајакне куповната моќ на граѓаните.

Од нив 16.5 милиони евра наменети за 113.000 невработени граѓани и граѓани кои се приматели на социјална помош, 5.4 милиони евра за 111.000 вработени граѓани со ниски примања, над 4 милиони евра за 81.000 млади граѓани, како и преку 900.000 евра за 4.000 здравствени работници.

Со цел поддршка на најпогодениот сектор туризам и угостителство, Владата предводена од СДСМ, преку мерката “Дома си е дома” додели ваучери за туризам на 117.000 граѓани во висина од 12 милиони евра, како директна помош.

Почитувани,
Поддршката за граѓаните и стопанството продолжува. Никој не е сам.

Следува четвртиот пакет антикризни мерки чија подготовка е при крај, реализацијата ќе започне во следниот период.

Продолжуваме уште повеќе и уште подобро.

 

Последни вести