Изјава за медиуми, Александар Ѓорѓевски, советник во Советот на општина Ѓорче Петров

Почитувани,

СДСМ преку локалната и централната власт што ги предводи постојано инвестира во проекти важни за граѓаните.

Се наоѓаме во училиштето Димитар Поп Георгиев Беровски и како што може да се забележи на ова место со предвиденото темпо се гради затворениот базен кој е ветување во изборната програма на СДСМ.

Заедно со Агенцијата за млади и спорт, пред седум месеци започна изградбата на овој објект кој ќе биде одлична можност за рекреација, создавање здрави навики од најмала возраст и развој на пливањето како спорт.

Вредноста на базенот е 38 милиони денари, а покрај учениците, ќе го користат и жителите на општина Ѓорче Петров.

И во време на пандемија продолжуваме со засилено темпо да реализираме капитални инвестиции во нашата општина.

Градиме по план, постојано докажуваме дека можеме и повеќе и подобро за подобар живот на сите.