Изјава за медиуми, Зоран Заев, претседател на СДСМ
Прво дозволете да го споделам задоволството што имав денеска шанса заедно со генералниот секретар на Социјалдемократскиот сојуз, градоначалникот на општина Виница, да видиме една прекрасна македонска компанија којашто претставува гордост верувам на сите граѓани на нашата земја.
Се работи за Макпрогрес компанија којашто е еден од најголемите извозници во нашата земја, компанија којашто е позната со брендот винчини, компанија којашто вработува преку 730 вработени и навистина претставува наша гордост којашто уште еднаш само потврдува дека ако се сака може да се успее во нашата земја.
Имавме денеска шанса да ни бидат претставени погоните, да ги видиме нашите граѓани каде работат и каде се произведуваат овие убави продукти наши македонски којшто за големо наше задоволство преку 90% овие програми одат за извоз носејќи девизни приливи на државата , а со тоа секако обезбедувајќи и плати, плаќање на даноци на државата и веројатно добивки на проширената репродукција којашто мораат сопствениците и менаџментот постојано да ја следат.Нашата земја е насочена на голема поддршка на домашното производство затоа што само домашното производство е нешто што е трајно, што останува засекогаш тука и нешто што е најсилната гаранција за раст и растеж на економскиот стандард на нашиот народ.
Рзвивме многу програми и мерки преку Фондот за иновации и технолошки развој, преку програмата за финансиската поддршка на инвестициите. Она што е многу важно е целиот овој период на сериозни и храбри политички одлуки навистина ги отавараат и оние перспективи којшто досега беа затворени за нашето домашно стопанство, атоа се толку долгоошекуваните европски фондови.
Она коешто го очекуваме навистина е датумот за почеток на преговори за нас значи и носење на позитивни одлуки за економски и стратешки развој на Западен Балкан од страна на Европската Унија, отварањето на фондовите пред се структурни, кохезиони и секаков вид на фондови којшто може да бидат поддршка на ваквите компании за нивни иден развој а и за проширување на нивното производство.
Тоа што го очекуваме навистина преку мулти ануал баџет сериозни 14 милијарди евра за поддршка на Западен Балкан, за Република Северна Македонија тоа се некаде околу 2 милијарди евра најчесто за економски прашања и политики коешто ќе даде прво придонес, јакнење на севкупниот економски стандард на нашиот народ, но директната помош и поддршка меѓудругото доаѓа на нашите домашни компании.
Јас верувам дека и оваа компанија Макпрогрес и палетата винчини и сите други палети којшто ги има и сончева долина и сите други којшто ги имаат , ќе имаат дополнителна мотивација да вложат во нови машини, во нови капацитети, да го шират своето производство, да ја зголемуваат својата лепеза на продукти и производи заради тоа што дефинитивно ова е сопственост на наши сограѓани, но на крајот е на Република Северна Македонија, на целиот нач народ.
Нешто трајно добро коешто останува и верувам дека дополнително ќе биде и мотивација за многу млади луѓе да чекорат онака какошто Макпрогрес почнал во својот развој и еве денеска имаме една од најголемите компании во нашата земја секако од областа на кондиторската индустрија, којашто претставува пример како можеме да се бориме со целиот свет на меѓународните пазари , да бидеме компетативни,да си ја промовираме државата преку домашни продукти но и секако да расте во својот обем на произвотство.
