Прес конференција, Лазар Мешков, портпарол на ОО СДСМ Гевгелија

 

Почитувани сограѓани,

За само две и пол години од мандатот на оваа влада предводена од СДСМ инвестирани се над 800 милиони евра во патна инфраструктура во државата, изградени се и рехабилитирани околу 500 километри патишта.

Се гради насекаде како никогаш до сега.

И во Општина Гевгелија денес градежните работи се секојдневие.

Нашата Гевгелија е град кој расте и постепено оди напред, град кој ги носи сите нишани на модерна и урбано уредена инфраструктурна општина.

Да се знаат потребите на граѓаните и да се работи јавно и транспарентно е одлика на СДСМ и на нашата локална власт предводена од Градоначалникот Поцков.

2018 и 2019 се години кога градежните зафати во асфалтирање и реконструкции на улици и патишта ја направија општина Гевгелија модерно инфраструктурно место за живеење.

Улиците: „ Ѓорѓи Сугарев“, „ Нако Вардарски“, дел од „Кочо Рацин“, „26- ти Април“, „Јане Сандански“, „Питу Гули“,„ Мицо Шаренков“, ул .„ 1 Мај“, паркингот кај градските гробишта, улицата „Димо Хаџи- Димов “ се само дел од завршените градежни работи во асфалтирање, изградба и реконструкција на улиците во нашиот град.

Гевгелија и граѓаните се на прав пат.

Некогаш заборавените населени места каде во патната инфраструктура не се инвестираше со децении , денес за само 2 години наликуваат на модерно населени места.

Реконструиран е регионалниот пат Гевгелија – Негорци, изграден е локалниот пат за поврзување на с. Серменин со с. Негорци, доасфалтирана е улицата „Гоце Делчев“ во с.Негорци.

-Изграден е локален пат од населеното место Давидово до манастирот„ Св. Илија“.

-Реконструирана е улицата„ Елена Мичева“ , „Климент Охридски“ и “Гоце Делчев” во Миравци.

– Реконстуиран е патен правец од Миравци до с.Давидово.

-Асфалтирани се три крака од улици во населеното место Милетково.

-Бетонирана е улицата од центарот до црквата во село Давидово.

-Улицата „Браќа Толеви“ во с.Прдејци доби нов асфалт.

Реконструирани и бетонирани се:

– улицата покрај училиштето во с.Кованец.

– бетонирани се краци од улици во село Смоквица

-улица и краци во с.Моин

-доасфалтирана е улицата„ Гоце Делчев“ во с. Мрзенци,

– направена е реконструкција на улица во с.Богородица.

Инвестициите во инфрастуктурата на нашиот град не застануваат тука, продолжуваме и понатаму, затоа што резултатите говорат дека сме на правиот пат.

СДСМ заедно со граѓаните се на вистинскиот пат!

Ви благодарам.