Прес- конференција, Даниела Колева, пратеничка на СДСМ

Почитувани граѓани, почитувани новинари,

Преку пописот како најмасовна и најсложена статистичка операција, државата, кончено, по 19 години ќе добие целосни, релевантни и сеопфатни податоци.

Граѓаните да бидат спокојни, спроведувањето на пописот ќе биде со целосно почитување на здравствените протоколи и мерки за заштита од коронавирусот.

Здравјето на сите, како на граѓаните, така и на попишувачите ќе биде целосно заштитено, процесот на попишување ќе биде целосно безбеден од здравствен аспект.

Преку добиените податоци од пописот, ќе се создаде јасна слика за образовната, демографската и социјалната структура, ќе се добијат јасни информации за потребите на општините и планските региони.

Целосни, релевантни податоци за структурата на населението, на домаќинствата и становите се од особена важност за државата, институциите, општините, но и за бизнис секторот и граѓанските организации.

По цели 19 години без спроведен попис, неговото одржување оваа пролет е најважна државничка работа и врвен патриотски чин. Тој мора да биде заеднички успех на сите граѓаните, на сите општествени чинители.

Граѓаните да не подлегнуваат на манипулациите и повиците за бојкот на оваа важна статистичка операција.

Бојкотот на пописот е кривично дело, постапка која не носи ништо добро за никого, чин што предизвикува штета на државните и национални интереси.

Оние кои повикуваат на бојкот не и мислат добро на државата и работат спротивно на интересите на граѓаните.

Со учество на пописот секој придонесува кон држава базирана на податоци, а не на претпоставки.

Преку учество во процесот на попишување секој поединец дава свој придонес во развојот на својата татковина, на своето населено место.

Затоа е важно секој од нас да учествува во пописот и да учествува во создавање на извесна, предвидлива иднина за својата држава.