Прес-конференција, Даниела Колева, пратеничка на СДСМ

Почитувани граѓани, почитувани новинари,

Денеска на собраниската седница на дневен ред се измените на Законот за минимална плата.

Со овие измени минималната плата веќе за месец март ќе изнесува најмалку 18.000 денари и неа ќе ја добиваат околу 80.000 работници.

Тоа е двојно повеќе отколку пред пет години кога таа изнесуваше 9.000 денари.

Со новото зголемување на минималната плата го вреднуваме трудот на работниците и го унапредуваме нивниот животен стандард.

Тоа е потврдено и со официјални податоци. Ако пред седум години беа потребни четири минимални плати за полнење на синдикалната кошница, сега, со ново зголемување синдикалната кошничка се полни со две минимални плати.

За седум години синдикалната кошница се зголемила за девет отсто, а за истиот период минималната плата е зголемена за 100 отсто.

Овие факти говорат дека СДСМ и парламентарното мнозинство сериозно го зајакнаа животниот стандард на сите граѓани.

Како одговорни пратеници, продолжуваме да реализираме законски решенија кои се во интерес на граѓаните и економијата.

Ги повикувам сите пратеници да дадат поддршка на измените на Законот за минимална плата, за веќе од следниот месец, 80.000 наши сограѓани да добиваат повисока минимална плата од 18.000 денари.

Истовремено,ги повикуваме пратениците од ВМРО-ДПМНЕ да се откажат од блокадите на Законот за наставници со што за 4.700 наставници и стручни соработници во основното и средното образование ќе се обезбедат трајни вработувања и со тоа и повисоки плати.