Соопштение за јавност

Гувернерот Богов на крајно нетранспарентен начин даде дозвола да се продаде „Алфа Банка“ АД Скопје за 1.2 милиони евра на Швајцарски фонд, чиј претседател на Управен Одбор се јавува и како основач на компанија која соработувала со Владата предводена од Никола Груевски. Предмет на соработка биле консултатантски услуги.

Пред само 30 дена од кабинетот на гувернерот Богов беше лиферувана информација за медиумите во која децидно беше кажано дека нема поднесено барање за купопродажба на акциите на Алфа Банка АД Скопје и доколку такво барање биде пристигнато за истото ќе биде известена јавноста.

После 30 дена молк, не само што не беше известена јавноста туку денеска на Македонската берза преку блок трансакција се продадени 100% од акциите на Алфа Банка АД Скопје за 1.2 милиони евра.

Дали Гувернерот Богов во рамките на своите надлежности, ги исполнува се уште наредбите на поранешниот премиер Никола Груевски исто како и лицето Ѓорѓе Иванов?

Богов е должен да и одговори на јавноста зошто на таинствен и нетранспарентен начин дозволи продажба на „Алфа Банка АД Скопје“.

Скопје, 09.05.2016

ЦЕНТАР ЗА КОМУНИКАЦИИ СО ЈАВНОСТА
СОЦИЈАЛДЕМОКРАТСКИ СОЈУЗ НА МАКЕДОНИЈА