Соопштение за јавност

Кумот Ставрески нека каже како заедно со кумашинот Груевски успеаја да изнесат
криминално над 5 милијарди евра пари на граѓаните надвор од државата и колку уништени вработувања се тоа за луксузите на фамилијата?

Кога Груевски и Ставрески зборуваат за пад на невработеноста нека објаснат како е ТОА можно со пад на клучните дејности што придонесуваат за реален економски раст?

Како е можно со пад на преработувачката индустрија од 2% на годишно ниво, со пад на земјоделството од 0.7%,со бруто инвестиции еднакви скоро на 0% да креира нови
работни места?

Крунскиот доказ дека Груевски лаже кога зборува за нови вработувања е токму историски највисокиот дефицит на Фондот за ПИОМ во 2014 година.

Дупката во ПИОМ во 2008 година изнесувала 165 милиони евра, за во 2014 година промашените економски политики на Груевски да ја продлабочат на неверојатни 369 милиони евра!

Доколку вистински се намалуваше стапката на невработеност, дупката во ПИОМ требаше да се намалува, а не забрзано да се зголемува и да го доведе Фондот во ризик на неодржливост на среден рок, како што алармираше Светска банка.
Лагите за падот на невработеноста излегуваат на површина.

Според Светска банка 626.312 граѓани ја напуштиле државава во потрага по работа и достоинствени услови за живот.

Поради промашените економски политики 10.000 домашни фирми се затвроени, на сопствениците им се загрозени основните егзистенции, а 8.000 чекаат да бидат избришани од евиденција.

Завршува времето на промашените економски полтики на Груевски и ВМРО-ДПМНЕ.

Чесната и одговорна влада којашто ќе има чест да је предводи СДСМ ќе работи на реален економски раст и реални вработувања преку поддршка на домашните претпријатија со државна помош до 50 милиони евра и поддршка на реални странски инвестиции.

Скопје, 24.03.2016
ЦЕНТАР ЗА КОМУНИКАЦИИ СО ЈАВНОСТА
СОЦИЈАЛДЕМОКРАТСКИ СОЈУЗ НА МАКЕДОНИЈА