Соопштение за јавност

Претседателот на СДСМ, Венко Филипче, во интервју за Ора24.тв порача дека власта зад патриотската реторика крие корупција, криминал и злоупотреба на државните пари. Наместо грижа за граѓаните и за економската состојба, власта е фокусирана на извлекување на народните пари преку тендери.

„Оваа власт којашто сака да се прикаже како некаква патриотска, тоа е само лажна завеса. Зад лажниот патриотизам се крие корупција и криминал. Имаме одлучен тим млади луѓе, антикорупциски тим којшто секојдневно ги обелоденува корупциските скандали на власта, практично прави разобличување. “, рече Филипче.

Тој посочи дека суштината на политиките на оваа власт не е заштита на државните и националните интереси, туку личен и партиски бизнис.

„Се организираат тендери за семејни фирми, на членови на ВМРО-ДПМНЕ, блиски до премиерот, партиски функционери, 160 тендер за една фирма, 8о за друга, трета некоја блиска до ЗНАМ, преку Пошта. Тоа е целта на оваа влада. Тоа е борбата. Да се земат граѓанските пари, народните пари“, потенцираше Филипче.

Граѓаните веќе јасно гледаат дека зад големите патриотски зборови не стои никаква вистинска намера за работа во интерес на државата.

„Секојдневно гледаме дека тие имале лажни ветувања. Што ветува? Дека ќе го вратат името. Што ветуваше примерот, Преспанскиот договор – не е завршена работа, ќе го вратиме името, ќе го раскинеме договорот за добро соседство со Бугарија. Е, сега не прават чекор напред. Што е суштината? Дека ниту имале идеја ниту сакале да прават нешто од тоа што ветувале, ниту сакале да работат за доброто на државата и граѓаните. Не сакаат, секој ден гледаме“ рече претседателот на СДСМ, Венко Филипче.

Линк до видео:

https://www.facebook.com/reel/913913594978086