Соопштение за јавност

ВМРО-OКГ и нивните пропагандни медиуми повторно пишуваат апсолутни глупости.

Мицкоски јавно и јасно изјави дека нема да отстапи ниту милиметар и дека Бугарите нема да влезат во Уставот, што е основа за продолжување на преговорите.

Нема продолжување на преговорите додека не се внесат малцинствата во Уставот – јасна е пораката на Европа.

Ова не е бугарско прашање, туку европско прашање.

Исто така, “нема место за тројански коњи” – порака на Марта Кос, се однесува на држави под руско влијание.

Нема поголем руски прокси играч од Мицкоски, по падот на Орбан.

Потоа истиот Мицкоски додаде, дека Македонија е подготвена да чека децении ако треба.

Тоа е директно блокирање на европскиот пат на Македонија.

Сега истата таа ВМРО-ОКГ се обидува да ја префрли вината на СДСМ и да каже дека ние го блокираме процесот.

Па нели според нив “СДСМ распродаде се за Европа”?

Кој е овде луд?

СДСМ бара исполнување на европските услови за продолжување на преговорите.

Мицкоски отворено вели дека нема да ги исполни и дека е подготвен да чека децении.

Кој всушност го блокира ЕУ патот?

Мицкоски и криминалната организација ВМРО.

Нивната политика на намерни конфликти со соседите, измислување на загрозување на националниот идентитет, измислување на непризнавање на јазикот (кој е признаен од сите ), анти-ЕУ пропаганда и блокирање на уставните измени е единствената причина зошто Македонија стои во место.

Ние нема да дозволиме да ја претворат Македонија во слепо црево на Балканот само за да ја задржат контролата врз државата и да продолжат со криминалот и корупцијата.

Доаѓа времето на вистината.