Петтиот пакет мерки вреден 160 милиони евра обезбедува помош за граѓаните и градење стабилна и развојна македонска економија

Share on facebook
Facebook
Share on twitter
Twitter
Share on linkedin
LinkedIn

Соопштение за јавност

Петтиот пакет сеопфатни и навремени економски мерки, креиран од институциите предводени од СДСМ, за помош на граѓаните и компаниите погодените од пандемијата со коронавирусот, но и за градење стабилна и развојна домашна економија, почнува со реализација.

Пакетот, донесен низ инклузивен пристап со сите засегнати страни, во вредност од 160 милиони евра содржи 29 мерки, наменети за директна помош за компаниите и за граѓаните, како и креирање на поповолно деловно опкружување, ќе ја врати економијата на стапките на раст меѓу 4 и 5 %, како во времето пред пандемијата.

Главен приоритет е задржувањето и зголемувањето на бројот на работници. Токму затоа првата мерка е финансиска поддршка на плати за вработените во вредност од 1 милијарда и 920 милиони денари за февруари и март 2021 година, со опфат од околу 60 000 работници месечно.

Финансиската поддршка ќе биде скалеста во износ од 14.500 до 21.776 денари за месечна плата по вработен, во зависност од падот на приходите на компанијата.

Со мерките од петтиот пакет се овозможува и намалување на трошоците на граѓаните, со бришење на 100% на каматите, кои граѓаните ги имаат кон јавни институции и претпријатија.

Главнината која граѓаните ја должат повеќе од три месеци, по основ на испорачани комунални и други јавни услуги или даноци и данок на имот, ќе може да се репрограмира за плаќање во период од 12 месеци.

Оваа мерка ќе можат да ја искористат сите физички лица во државата, а ќе биде објавена со Јавен повик, во траење од 5 месеци.

Најтешкото е зад нас, СДСМ како одговорна партија продолжува со вистинска грижа за граѓаните, за работниците, за компаниите, за економијата.