Претседателот на Демократската партија на социјалистите на Црна Гора, Мило Ѓукановиќ упати честитка до претседателот Зоран Заев по повод неговиот избор за претседател на СДСМ.

Во честитката Ѓукановиќ честита и за успешно спроведените први внатрепартиски, непосредни избори кои според него се одраз за демократско созревање на партијата, но и на општеството, како и успешно совладување на современите трендови за модернизација што СДСМ ги следи.

„Вашиот реизбор за претседател на СДСМ е потврда за програмските и идеолошките цели што ги спроведувавте во претходниот период и на чело на партијата, но и во премиерскиот мандат. Довербата што ја добивте е недвосмислено признание за вашето лидерство, со својата посветеност, транспарентност и еднаква посветеност, да ја зајакнете кохезијата и единството на вашето членство и статусот на левичарското движење на политичката сцена во Северна Македонија.

Убеден сум дека социјалдемократите на чело со Вас, успешно ќе го продолжат патот на остварување на стратешките европски и евроатлантски цели, кои ни се заеднички. Тоа ќе го зацврсти традиционалното пријателство и соработката меѓу нашите сестрински партии и ќе отвори нови перспективи во јакнењето на односите меѓу нашите држави“, стои во честитката на претседателот на ДПС Црна Гора, до претседателот на СДСМ, Зоран Заев.