Соопштение за јавност

СДСМ и институциите што ги предводи, посветено работат за непречено одвивање на масовната имунизација на населението против коронавирусот, добавување на нови количини на вакцини и отворање на нови пунктови за вакцинација.

Досега се аплицирани околу 200.000 дози вакцини, а ревакцинирани се речиси 26.500 граѓани.

За масовната имунизација да тече непрекинато во државата пристигнаа нови 100.000 вакцини од кинескиот производител „Синофарм“.

Вакцинирањето се одвива во здравствените домови и во регионалните пунктови. Покрај во Скопје, Битола, Кавадарци, Тетово, Штип, Куманово и Охрид следува отворање на нови пунктови за масовна имунизација во Велес, Струмица и Прилеп.

Апелираме до граѓаните да се пријават за вакцинација, заедно да ја победиме пандемијата со коронавирусот.

За СДСМ како одговорна партија највисок приоритет е здравјето на граѓаните.

Продолжуваме мерки и политики кои го штитат јавното здравје и го унапредуваат здравствениот систем во државата.