Соопштение за јавност – реакција на прес-конференцијата на Димче Арсовски од ВМРО-ДПМНЕ

Во Белата палата расте нервозата и стравот од извесниот пораз на претстојните избори во главниот град, но и во најголемиот број општини во државата, па продолжуваат со она што единствено го знаат, да пласираат лаги и да конструираат скандали.

Нивните најнови лаги за незаконско постапување се демантирани, реконструкцијата на водоводна и канализациска мрежа на улица „Варшавска“ е спроведена согласно законските прописи и и градежните стандарди и нормативи.

Градежни активности од посочената фирма не се започнати без претходно склучен посебен договор, како што се обидува да излаже ВМРО-ДПМНЕ.

Безидејното ВМРО-ДПМНЕ знае само да пласира конструирани скандали да дискредитира, а не знае да понуди ниту еден проект, ниту решение за подобрување на животот на скопјани, па дури ни кандидат за градоначалник на Скопје.

Но затоа се први за манипулации, конструкции, ширење лаги и невистини.

Граѓаните тоа го знаат, затоа ВМРО-ДПМНЕ и Мицкоски можат уште сега да се помират со новиот, седми пораз на изборите.