Соопштение за јавност
„Во овие 4 години реализиравме повеќе од 200 проекти. Ако се пресмета тоа значи дека секоја недела од првиот мандат сме почнувале по еден нов проект“, порача вечерва кандидатот за градоначалник на Гази Баба, Борис Георгиевски на трибина во Автокоманда.
Предвидовме и работиме и на илјадници квадратни метри нови јавни зелени површини. Заедно со бизнис секторот отворивме нови 4.000 работни места, во 15 нови инвестиции. Изградивме 48 километри патишта, булевари, улици. 23 километри водоводна и канализациска мрежа. Изградивме 10.600 метри квадратни пешачки патеки и 3.100 метри велосипедски патеки. Засадивме нови 2.000 дрвја и подигнавме 9.000 метри квадратни јавно зеленило. Гази Баба ја наследив со долг од над 2 милиони евра и опасност од блокирање на сметката. Целосно заборавена општина, оставена во 19 век. Успеавме да ги вратиме долговите, да ја наполниме касата, за нови проекти“, порача Георгиевски.
Георгиевски се осврна и на постојаните блокади од страна на советниците на ВМРО-ДПМНЕ и ги повика граѓаните да гласаат и за советничката листа за предвидените проекти во програмата да можат да се реализираат во целост.
„Во следниот мандат, започнуваме со изградбата на новата зграда за училиштето „Крсте Мисирков“ во Ченто. Почнуваме со изградба на 4 нови градинки во Ќерамидница, Синѓелиќ, Трубарево и Инџиково. Покрај овие проекти, предвидуваме и проширување на топловодното греење за 18 згради, од кои 2 во Автокоманда и 16 во Хиподром, а потоа, со премостување на булеварот „Александар Македонски“, продолжуваме во Ченто. Гасификација на факултетскиот кампус и студентскиот дом „Стив Наумов“. Нови 100 километри асфалтирани локални патишта, како и тротоари, велосипедски патеки, урбана опрема и детски катчиња. Изградба на нов спортско рекреативен центар Стајковци – Црешево. Изградба на фекална канализациска мрежа во Идризово, Виниче, Ергеле, Раштак, Булачани и Брњарци. Реконструкција на Домовите на култура во Ченто и во Колонија. Изградба на Дом на култура и простории за пензионерите и Месната заедница во Јурумлери. Затоа на 17 октомври гласајте за бројот 12 за советничките листи на СДСМ и Коалицијата во Гази Баба и Град Скопје, гласајте за Петре Шилегов за градоначалник на Град Скопје“, порача Георгиевски.
