Соопштение за јавност

Дојде време современиот македонизам да го кренаме на следно ниво, тоа е европската перспектива, порача од Демир Хисар генералниот секретар на СДСМ, Миле Зечевиќ кој денеска ги продолжува теренските активности и посети ширум републиката.

На средба со членови и симпатизери, Зечевиќ рече дека секој социјалдемократ е горд затоа што е дел од нитките на државотворноста, на македонската државност и повика на општествено, семакедонско обединување околу европската иднина.

-Современиот македонизам е европската перспектива. Ние, социјалдемократите го одбравме патот на просперитетот, на иднината, на европска Македонија во европското семејство, рамноправна, рамо до рамо, достоинствена, со сите национални обележја за коишто чезнееле и фантазирале генерации просветители, преродбеници, илинденци, социјалисти и антифашисти, сите. На тој пат потребно е вистинско и суштинско семакедонско обединување, тоа е иднината на Македонецот. Вие, граѓаните не Дамир Хисар добро ме разбирате и знам дека целосно се согласувате. Ликот и делото на Дамјан Груев се гордост за Смилево, за Демир Хисар, за сите нас. Споменот за Груев е вечен, но исполнувањето на неговиот аманет е значењето на современиот македонизам, рече генералниот секретар на СДСМ, Миле Зечевиќ.