Соопштение за јавност

СДСМ продолжува со унапредување на дигитализацијата и спроведување на нови иновативни алатки во своето работење.

Денеска, заедно со тим од Меѓународниот Републикански Институт (ИРИ) беше воведена нова дигитална алатка за перформансот и транспарентноста на градоначалниците која ќе има за цел да ја унапреди работата на градоначалниците од редовите на СДСМ кои ќе обезбедат повеќе и подобри услуги за граѓаните.

Потпретседателот на СДСМ и директор на партискиот Центар за истражување и анализи, Стефан Богоев, порача дека оваа алатка ќе овозможи не само да се следи степенот на реализација на програмите на градоначалниците од СДСМ, туку ќе ја следи нивната респонзивност, достапноста до јавноста и граѓаните.

„Оваа алатка има за цел да ги мотивира градоначалниците да работат повеќе и поефикасно, а тоа значи и подобри проекти и подобри и понавремени услуги за граѓаните“ истакна Богоев.

На работилницата спроведена од тимот на ИРИ, присуствуваа членови на Центарот за истражување и анализи на СДСМ, како и одговорните лица од општините предводени од СДСМ.

СДСМ во соработка со граѓанскиот сектор, продолжува со воведување и реализација на нови алатки и инструменти кои ќе придонесат за зголемување на ефикасноста и унапредување на отчетноста и транспарентноста на сите нивоа.