Соопштение за јавност
Продолжува навремената и неселективна исплата на субвенциите, исплатени над 27 милиони евра за над 26.000 тутунопроизводители
Продолжува грижата за земјоделците и тутунопроизводителите.
Исплатени се над 80 отсто отсто од субвенциите за предаден тутун. На над 26.000 тутунопроизводители исплатени им се над 27 милиони евра.
Исплатата на субвенциите за тутунот се реализира на еден месец пред почетокот на новата производствена реколта за 2019-та и овие пари тутунарите ќе можат да ги реинвестираат во новото производство на тутун.
И за оваа реколта се применува новиот модел на субвенционирање на три нивоа, односно субвенцијата за прва класа тутун изнесува 80 денари за килограм, 70 денари за втора класа и 60 денари за трета класа и дополнителните класи.
Откупот на тутунот за реколтата 2018 е целосно завршен и повторно остварени се високи откупни цени, а просечната цена за предаден килограм тутун изнесуваше 214.24 денари.
Министерството за земјоделство, шумарство и водостопанство продолжува со неселективна и навремена исплата на субвенциите со цел земјоделците парите да ги добиваат тогаш кога им се најпотребни за подготвени да ја дочекаат производствената сезона.
Скопје, 17.04.2019
ЦЕНТАР ЗА КОМУНИКАЦИИ СО ЈАВНОСТ
СОЦИЈАЛДЕМОКРАТСКИ СОЈУЗ НА МАКЕДОНИЈА
