Соопштение за јавност

Стево Пендаровски, заедничкиот кандидат за претседател на граѓаните и на 30 политички партии, денеска беше на средба со жителите на Јегуновце.

Пендаровски зборуваше за проектите од неговата програма и заложбите како иден врховен командант на македонската Армија.

„Нашата армија е веќе дел од НАТО. Армијата е гарант на суверенитетот, независноста и неповредливоста на територијата на државата. Сите сме горди на нашите војници, тие се најзаслужни за успесите на меѓународните мисии и за поканата која ја добивме за членство во НАТО. Во мојот мандат како претседател, приоритет ќе биде токму Армијата и положбата на војниците. Модернизација на Армијата и обезбедување на европски услови за македонските војници се моја обврска“ рече Пендаровски.

Пендаровски додаде дека процесите за модернизација на Армијата се веќе започнати и се обврза во соработка со Министерството за одбрана да ги интензивира.

„Посебен фокус ќе ставам на покачување на платите, домувањето, но и мерките за поддршка на припадниците на армијата по нивното пензионирање од активна служба во армијата. Затоа е многу важно започнатите процеси, напредокот, да ги продолжиме“ додаде Пендаровски.