Соопштение за јавност

Заменик претседателката на СДСМ, Сања Лукревска, во интервју за емисијата „Трилинг“ порача дека прогресивните сили во Собранието мора да победат за да продолжи европскиот пат на земјата.
-Разговараме со сите политички чинители во рамки на Парламентот со цел да се поддржат уставните измени и да продолжи европскиот пат на земјата. Прогресивните сили мора да победат, рече Лукаревска додавајќи дека СДСМ е политичка партија која во најтешки времиња носи важни, државнички одлуки и дека секогаш е на вистинскиот пат.

Во 2024 година ќе има редовни парламентарни избори, потенцираше Лукаревска и додаде дека СДСМ е секојдневно на терен, со граѓаните.
-СДСМ е секојдневно на терен со граѓаните, како што доликува на една модерна, демократска партија којашто од граѓаните го црпе мандатот. Постојано сме меѓу граѓаните а не одиме само пред избори. Јас и кога одам на терен, рамо до рамо со граѓаните, го кажувам истото, дојдовме тука со крената глава за да ви кажеме што направивме, но и вие да не корегирате, што треба да менуваме, да одговориме на прашањата. СДСМ е политичка партија која во најтешки времиња носи важни, државнички одлуки. Секако дека имаме и грешки, но сме на вистинскиот пат, рече Лукаревска.

Таа се осврна и на стратешкиот проект за изградба на коридорите 8 и 10д.
-Блокадите на проектите не се решение. Законите поднесени во Собранието со европско знаменце за изградба на стратешкиот проект со коридорите заштедува време и пари. Во спротивно ќе губат и граѓаните и државата. Коридорите се важни за да се унапредиме и во делот на економијата и во делот на туризмот, додаде Лукаревска

Новиот финансиски инструмент, граѓанска обврзница ќе им помогне и на граѓаните и на државата и предвиден е со планот за забрзан економски раст, потенцираше таа.
-Во буџетот ќе се инкасираат околу 50 милиони евра а граѓаните ќе имаа нова можност. Каматата ќе биде повисока отколку кај депозитите во банките, а пониска доколку државата се задолжи во странство, рече Лукаревска во емисијата „Трилинг“.