Пендаровски во посета на повеќе населени места: Подготвен сум да бидам достоинствен претставник на граѓаните, заедно одиме напред

01/04/2019
00:00
Категорија: Соопштенија

Соопштение за јавност

Заедничкиот кандидат за претседател на државата Стево Пендаровски денеска беше во посета на повеќе населени места, каде што се сретна со жителите на Пласница, Македонски Брод, Долнени, Лажани и Кривогаштани.

На средбите, Пендаровски со граѓаните разговараше за актуелни прашања, како и за потребата од претседател кој достојно ќе ја претставува државата и ќе бие вистински претседател на сите граѓани.

– Подготвен сум да бидам достоинствен претставник на граѓаните кој ќе работи исклучиво во нивен интерес. Ова го ветувам јасно и гласно пред сите. Се обврзувам, неуморно да работам на довршувањето на процесот на нашето зачленување во НАТО и да бидам предводник на реформските процеси што доведуваат до членство во ЕУ. Нашата земја нема друга алтернатива и шанса за побрз економски раст и развој, порача меѓудугото Пендаровски.
Пендаровски повика да продолжат позитивните промени, државата да не застанува, туку да продолжи напред кон развој, интеграција и напредок, кон ЕУ и НАТО.

– Позитивните промени што и се случуваат на нашата држава мора да продолжат. Затоа ве повикувам, заедно да продолжиме напред, обединети кон посветла иднина за нас и нашите деца. Ајде сите заедно да ја заокружиме евроатланската интеграција на Северна Македонија и да овозможиме брз развој, силен економски напредок и стабилна држава за секој од нас, повика Пендаровски
Денешниот ден, заедничкиот кандидат го заокружува со посета на Крушево во 18:00 часот и Прилеп од 20:30 часот каде ќе учествува на отворени трибини со граѓаните.