Соопштение за јавност

Владата предводена од СДСМ посветено работи на остварување на заложбите за обезбедување квалитетни и достојни услови за раст и развој на децата.

Со поддршка од Министерството за труд и социјална политика, годинава ќе се градат 11 нови градинки во различни делови од Македонија, со што ќе се намали недостигот на згрижувачки капацитети за децата.

Потпишани се договори за изградба на градинки во општините Ѓорче Петров, Куманово, Кавадарци, Брвеница, Босилово, Врапчиште, Шуто Оризари, Демир Капија, Штип,  додека во општина Гази Баба ќе се градат две градинки.

Со тоа, капацитетот за згрижување на деца се проширува за вкупно 860 деца, а ќе се отворат и најмалку 100 нови вработувања. За оваа намена обезбедени се над 85 милиони денари од буџетот на Министерството за труд и социјална политика.

За година и половина  владата предводена од СДСМ заедно со министерството за труд и социјална политика го реализираа планот за изградба на  24 градинки, од кои поголемиот дел се веќе ставени во функција. Истовремено  обезбедени се над 1.000 вработувања на кадар во градинките од кои поголемиот дел е на неопределено време.

Освен зголемување на капацитите и зајакнување на кадарот,  покачени се и платите во детската заштита. Сите 4.300 вработени, со септемвриската плата во 2018 година, добија покачување од 5 отсто, а за оваа година предвидено е ново покачување на платите од 5 отсто.

Обезбедувањето на квалитетни услови за раст и развој на децата, надминување на проблемот со места за згрижување и унапредување на условите за работа на негувателките и воспитувачките остануваат еден од врвните приоритети на Владата предводена од СДСМ која продолжува со спреоведување на мерките што се во интерес на граѓаните.

Скопје,05.02.2019                                       

ЦЕНТАР ЗА КОМУНИКАЦИИ СО ЈАВНОСТА

СОЦИЈАЛДЕМОКРАТСКИ СОЈУЗ НА МАКЕДОНИЈА