Соопштение за јавност

На 8 ми мај ќе прогласиме голема победа на СДСМ а на 9 ти мај, на Денот на Европа ќе ја најавиме новата Влада, СДСМ го има победничкиот кандидат за претседател и СДСМ го има победничкиот тим за новата проевропска Влада, нема откажување од иднината, порача вечерва во Тетово претседателот на СДСМ, Димитар Ковачевски.

-Ова не се избори само помеѓу СДСМ и ДПМНЕ. Ова се избори помеѓу надежта и безнадежноста. Избори помеѓу борба за европска иднина за сите и враќање на деструктивните политики на наследниците на Груевски. Со ДПМНЕ ја спуштаме главата и прифаќаме дека никогаш нема да биде подобро, таа достижна цел им ја препуштаме на некои други. Се откажуваме од иднината. Со глас за Стево Пендаровски и за СДСМ обезбедуваме сигурна европска иднина, подобра иднина за сите. Затоа, одлучно порачувам: НЕМА ОТКАЖУВАЊЕ ОД ИДНИНАТА!, рече Ковачевски.

Затоа што граѓаните заслужуваат европски животен стандард, просперитетна и развиена држава, во која функционира демократијата, владеењето на право, социјалната правда, потенцираше тој.

-Ве повикувам на претстојните избори да го поддржите СДСМ и Стево Пендаровски. Глас за СДСМ и Пендаровски е глас за европска Македонија, за Македонија со подобар животен стандард, со повисоки плати и пензии, силна економија, развиено земјоделство. СДСМ го има победничкиот кандидат за претседател и СДСМ го има победничкиот тим за новата проевропска Влада. На 8-ми мај ќе прогласиме голема победа, а веќе на 9-ти мај, Денот на Европа, ќе ја најавиме новата Влада и продолжуваме со нова енергија да работиме за европска иднина на Македонија, рече претседателот на СДСМ, Димитар Ковачевски на отворањето на промотивен штаб на партијата.