Соопштение за јавност

Ѓорге Иванов работи спротивно на интересите на државата, нема чувство за реалноста ниту за значајноста на моментот во кој се наоѓа Република Македонија.

Постигнатиот Договор со кој е става крај на 25 годишниот спор го зајакнува македонскиот идентитет и е важен чекор за полноправно членство во ЕУ и НАТО.

Ако на Иванов не му е јасно дека Договорот е за членство на Македонија во ЕУ и НАТО нека ги преслуша пораките од целиот демократски свет, од сите демократски лидери.
Демократскиот свет го поздравува напредокот со постигнатиот Договор и можноста којашто се отвора за полноправно членство на Македонија во НАТО и ЕУ.

Најавата на Иванов дека нема да ја почитува волјата на граѓаните искажана на референдум е во најмала рака скандалозна за секој нормален, одговорен политичар.

Претседател на држава не треба да се спротивставува на волјата на граѓаните, на огромното мнозинство граѓани, туку да ја почитува.

Иванов не смее да се става над законите и Уставо, тој е должен да го потпише Указот за Законот за ратификација на Договорот.

Иванов треба да има предвид дека СДСМ, граѓаните, демократската јавност, нема да дозволат ниту една деструктивна сила да ја закочи македонската иднина, ниту пак да ја врати Македонија во мрачното минато на изолација, поделби и неизвеснот.

Скопје, 06.07.2018

ЦЕНТАР ЗА КОМУНИКАЦИИ СО ЈАВНОСТА
СОЦИЈАЛДЕМОКРАТСКИ СОЈУЗ НА МАКЕДОНИЈА