Соопштение за јавност
Потпретседателка на Социјалдемократскиот сојуз на Македонија Кристина Костова во интервју за порталот „Рацин“ истакна дека реформите и активностите во СДСМ се во насока на враќање на меѓусебната доверба, а тоа се остварува преку редовни средби со членството и слушање на она што тие имаат да го кажат.
Во изминатиов период ние, претставниците на раководството, остваривме средби со членовите во сите општински организации. Мојот впечаток е дека и покрај незавидниот резултат од 2024 година, нашите другарки и другари не се откажуваат и имаат волја за работа, рече Костова, додавајќи дека особено значајно во периодов кој следува да се формираат општински раководства кои произлегуваат од локалните партиски авторитети и се препознаени во нивните средини како доблесни и чесни социјалдемократи, кои никогаш не застраниле од социјалдемократските, па ако сакате и поконкретно – сдсмовски принципи, а и генерално морални и етички граѓански вредности
Костова нагласи дека е важно да се препознаат изворите на незадоволство кои придонесоа за поразот во 2024 година, но и да се преземат конкретни чекори за истите да бидат отстранети.
Меѓусебната доверба можеме да ја вратиме преку искрен пристап, прифатени сугестии базирани на издржана и конструктивна критика. Лошите практики да ги осудиме и да ги оставиме во минатото. Само така можеме повторно да ги освоиме поддршката и симпатиите на оние кои биле разочарани, па преку тоа обновено заедништво да се фокусираме на окуражување, охрабрување на членството и симпатизерите за одлучна борба против катастрофалните политики на Владата на ДПМНЕ, истакна потпретседателка на Социјалдемократскиот сојуз на Македонија Кристина Костова во интервју за порталот „Рацин“.
Кристина Костова: Членството е силата на партијата, не само раководството
