Соопштение за јавност

Димитријевиќ: СДСМ е на добар пат, се постави целата партиска структура, се враќа ентузијазмот меѓу членовите

СДСМ е на добар пат, ги менува работите внатре во партијата и тоа веќе се гледа. Поставена е целат партиска структура по хоризонтала и вертикала. Евидентна е разликата од пред изборите и сега, се враќа ентузијазмот и енергијата на членовите. Задоволен сум како се одвиваат процесите во партијата, и во која насока се движиме., рече генералниот секретар на СДСМ, Александар Саша-Димитријевиќ, во емисијата „360 степени“ на МРТ 1.

Тој информираше дека по комплетирањето на општинските организации и изборот на локалните раководства и Форумот на жени доби нова претседателка а наскоро ќе се активира и Форумот на пензионери додека СДММ како подмладок е целосно структурирана.

-Партиските комисии се во тек на формирање и истите ќе се пресликаат и на локално ниво во општинските организации. Овие комисии ќе имаат задача да работат на дел на креирање на програмите за локалните избори. Има луѓе кои сакаат да учествуваат во креирање на процесите внатре во СДСМ, тоа се гледа и преку бројката на партиските состаноци. Но секако дека не очекува уште многу работа, потенцираше Димитријевиќ.

Евидентна е разликата, како и честите средби со членството со кое секогаш имаме теми за кој се дискутира и спремни сме да ги сослушаме сите, рече Димитријевиќ.