Заев на средбата со Безак: Потребна е нова Влада според мнозинската волја на граѓаните за промени

26/01/2017
00:00
Категорија: Соопштенија

Соопштение за јавност

Претседателот на СДСМ, Зоран Заев денеска се сретна со амбасадорот на Р.Словачка во Р.Македонија, Мартин Безак.

Претседателот Заев го информираше словачкиот амбасадор за очекувањата на СДСМ околу идните политички процеси кои треба да придонесат кон демокртатизација и нормализација на земјата согласно изразената мнозинска волја на граѓаните за промени.

,,Македонија е исправена пред сериозната обврска за спроведување на реформските приоритети кои произлегуваат од извештаите на Прибе и Европската Комисија, а кои ќе придонесат кон враќање на демократските процеси во државата. Оваа сериозна обврска може да ја спроведе само нова и одговорна Влада формирана според изразената мнозинска волја на граѓаните за промени. Затоа очекуваме дека на 29 јануари Никола Груевски ќе го врати мандатот и дека СДСМ ќе биде партијата која ќе формира Влада којашто ќе работи во интерес на сите граѓани на Р.Македонија“ рече претседателот Заев.

Претседателот Заев истакна дека поддршката што пријателска Словачка и другите земји поддржувачи на Македонија несебично и ја даваат е важна и за натамошниот напредок на земјата.