Соопштение за јавност

Медиуми и интернет портали го прекршуваат Изборниот законик, поради што СДСМ укажува дека Државната изборна комисија и Aд хок Комисијата при Агенцијата за аудио и аудиовизуелни медиумски услуги мора итно и најостро да реагираат.

Медиумите се должни да ги почитуваат одредбите од Изборниот законик, посебно членот 69-а, во коишто се забранува изборно медиумско претставување и други јавни собири и настани надвор од периодот предвиден за изборна кампања!

Државната изборна комисија и Ад хок Комисијата при Агенцијата за аудио и аудиовизуелни медиумски услуги, како гаранти на предизборниот и изборниот процес не смеат да дозволат ваквите постапки да продолжат во иднина и да останат несанкционирани.

Со ваков непрофесионален однос од страна на некои медиуми и интернет портали, директно се загрозува кредибилноста на изборниот процес.

СДСМ како потписник на Пржинскиот договор и како сериозна политичка партија инсистира на доследно почитување на Изборниот законик и на условите за фер, демократски и кредибилни избори.

СДСМ за досегашните прекршувања на Изборниот законик веќе има доставено претставки до надлежните органи.

Скопје, 17.11.2016

ЦЕНТАР ЗА КОМУНИКАЦИИ СО ЈАВНОСТА
СОЦИЈАЛДЕМОКРАТСКИ СОЈУЗ НА МАКЕДОНИЈА