Соопштение за јавност

АХВ и директорот Поповски на прашањата што се од витален интерес и кои директно ги засегаат граѓаните молчат и се кријат зад небулозните реакции.

Врз основа на што АХВ тврди дека пијалокот е безбеден , кога во случајот со труењето со енергетсиот пијалок не прикажа резултати од лабораториски испитувања со кој ќе го докаже тоа пред јавноста ?

Зошто АХВ како надлежна институција за безбедност на храната, во која спаѓаат и пијалоците, нема донесено правен акт, кој треба да ја регулира оваа област и да обезбеди правна рамка?

Безбедноста на храната и пијалоците се законска обврска на АХВ, а не на пазарната инспекција.

Ние веќе алармиравме, дека во Македонија се продаваат пијалоци што не се дефиниран во ниеден правилник.

Дури и стручното мислење на Институтот за јавно здравје, алармира за пијалок што претставува закана за јавното здравје. Институт кој е член Националниот совет за безбедност на храната, кој пак е управуван од директорот на АХВ, Зоран Поповски.

Наместо да даде одговори на прашањата кои граѓаните треба да ги знаат, АХВ и директорот Поповски се служат со инсинуации, лаги и навреди.

Во недостиг на стручни факти и аргументи, тие се служат со манипулации и за тоа избегнуваат веќе цели единаесет години секакви дебати. Јавноста знае дека бегаат од соочување со фактите.

Оставки и одговорност мора да има. Веднаш!