Komunikatë për media

“E keni dhënë jetë për atdheun. Është e pandershme që të mbeteni pa të ardhura, ju punëtorët e falimentuar. Për atë, kemi sjellë 8.000 kompensim mujor për 12.000 punëtorë të falimentuar që të kenë me çka ta kalojnë muajin. Kjo është shoqëri fer dhe e drejtë”, i porositi kryetari Zaev punëtorët e falimentuar në Kumanovë.

Kryetari Zaev theksoi se edhe punëtorët e falimentuar në periudhën e ardhshme do të përfitojnë kartelë pagesore prej 9.000 denarëve dhe shtoi se gjatë dy viteve e gjysmë, Qeveria e udhëhequr nga LSDM ka dëshmuar se çka është kujdesi i vërtetë për popullin, për të gjithë qytetarët.

“Dëshmuam se ka para në vendin tonë për qytetarët. Kemi sjellë pensionin social. Ndihmën sociale e kemi rritur për 300 për qind, kemi sjellë shtesa për fëmijë dhe arsim, kemi rritur përfshirjen e fëmijëve me këto masa. Sigurojmë ndihmë sociale më të lartë për 34.000 familje dhe shtesë fëmijërore për 65.000 qytetarë. Investojmë në kapitalin njerëzor, ndërsa VMRO-DPMNE paratë e qytetarëve i ka shpenzuar në përmendore, muze, fasada të ndryshme. Mandatin e ardhshëm – kujdesi social vazhdon edhe më shumë edhe më mirë”, përfundoi kryetari Zaev.